ভৱানীপুৰ সমষ্টিত বিজেপি প্ৰাৰ্থী ফণী তালুকদাৰৰ মনোনয়ন দাখিল

সম্প্ৰতি অসমৰ ৫ টাকৈ সমষ্টিত বলিছে উপ-নিৰ্বাচনৰ গৰম বতাহ । পৃথক নহয় ৪১ নং ভৱানীপুৰ সমষ্টিও । প্ৰতিটো দলে উপ-নিৰ্বাচনৰ বাবে প্ৰস্তুতি তুংগত তুলিছে । ইয়াৰ মাজতে এআইইউডিএফৰ পৰা পদত্যাগ কৰি বিজেপিত যোগদান কৰা প্ৰাক্তন বিধায়ক ফণী তালুকদাৰে দাখিল কৰে মনোনয়ন পত্ৰ । বিজেপি দলৰ হৈ মনোনয়ন দাখিল কৰে ফণী তালুকদাৰে । মনোনয়ন পত্ৰ দাখিলৰ সময়ত ফণী তালুকদাৰক সংগ দিয়ে বিজেপিৰ ৰাজ্যিক সভাপতি ভৱেশ কলিতা আৰু মন্ত্ৰী ইউ জি ব্ৰহ্মই । কংগ্ৰেছ সভাপতি ভূপেন বৰা লগতে বিৰোধী কংগ্ৰেছক তীব্ৰ সমালোচনা কৰে ভবেশ কলিতাই । সমান্তৰালকৈ উপ-নিৰ্বাচন হ'বলগীয়া ৰাজ্যৰ আটাইকেইটা সমষ্টিতে বিজেপি মিত্ৰজোঁটে জয় লাভ কৰিব বুলিও উল্লেখ কৰে বিজেপিৰ সভাপতিগৰাকীয়ে ।