দিহিং পাটকাইত তেল চোৰক লক্ষ্য কৰি আৰক্ষীৰ গুলীচালনা

দিহিং পাটকাই ৰাষ্ট্ৰীয় উদ্যান(Dihing Patkai National Park)ত তেল চোৰক লক্ষ্য কৰি আৰক্ষীৰ গুলীচালনা ৷ ৰাষ্ট্ৰীয় উদ্যানখনৰ চৰাই পুং বনাঞ্চলত অইল ইণ্ডিয়া(Oil India)ৰ পৰা চুৰি কৰা তেল উদ্ধাৰ কৰে আৰক্ষীয়ে ৷ বুধবাৰে পুৱাৰ ভাগত নামৰূপৰ উপ আৰক্ষী অধীক্ষক নৱ কুমাৰ বৰাৰ নেতৃত্বত আৰক্ষীৰ এটি দলে চলাইছিল এই অভিযান ৷ অভিযান কালত আৰক্ষীয়ে দিহিং পাটকাই ৰাষ্ট্ৰীয় উদ্যানৰ চৰাই পুঙত তেলচুৰি চক্ৰৰ কৱলৰ পৰা 80 লিটাৰ condensed তেলসহ চাৰিখন বাইক জব্দ কৰিবলৈ সক্ষম হয় । দীৰ্ঘদিন ধৰি ডিগবৈ-দুলীয়াজান সীমান্তৰ চৰাইপুং বনাঞ্চলত অইল ইণ্ডিয়াৰ তৈল পৰিবাহী পাইপ কাটি চোৰে তেল চুৰিকাণ্ড অব্যাহত ৰাখিছিল । আৰক্ষীৰ উপস্থিতিৰ খবৰ পাই তেলচুৰি চক্ৰটো পলাবলৈ চেষ্টা কৰোতেই আৰক্ষীয়ে গুলীচালনা কৰে ৷ কিন্তু তাৰ মাজতে তেলচুৰি চক্ৰটো পলাই যাবলৈ সক্ষম হোৱা বুলি আৰক্ষীয়ে জানিবলৈ দিয়ে ৷