তিনিচুকীয়াৰ থাৰ্মেলত অগ্নিদগ্ধ এজন কৰ্মচাৰী

তিনিচুকীয়াৰ থাৰ্মেলত বৃহস্পতিবাৰে দিনৰ প্ৰায় 11.30 বজাত সংঘটিত হৈছে এক ভয়ংকৰ ঘটনা । থাৰ্মেলত হোৱা এটা প্ৰকাণ্ড শব্দৰ পাচতে কৰ্মৰত অৱস্থাত থকা এজন কৰ্মচাৰী গুৰুতৰভাৱে অগ্নিদগ্ধ হয় । কৰ্মচাৰীজনৰ নাম প্ৰদীপ বৰুৱা আৰু তেওঁ ঘৰ লোহাৰী কছাৰী আদৰ্শ গাঁৱত । কিন্তু ঘটনাৰ প্ৰকৃত কাৰণ বৰ্তমানলৈকে জানিব পৰা হোৱা নাই । বিশেষ সূত্ৰই জনোৱা মতে, কৰ্মচাৰীজনক প্ৰায় 80 শতাংশ জুয়ে দহিছে । আহত প্ৰদীপ বৰুৱাক লগে লগে তিনিচুকীয়া অসামৰিক চিকিৎসালয়লৈ প্ৰেৰণ কৰে যদিও তিনিচুকীয়া অসামৰিক চিকিৎসালয়ৰ পৰা ডিব্ৰুগড়ৰ চিকিৎসালয়লৈ প্ৰেৰণ কৰা হয় ৷