মৰিগাঁৱৰ বঘৰা ৰংগমঞ্চত মুকলি বিহু উদযাপন

ৰাজ্যৰ বিভিন্ন প্ৰান্তৰ লগতে মৰিগাঁও জিলাৰ বঘৰা ৰংগমঞ্চতো মুকলি বিহু উদযাপন কৰা হয় । মৰিগাঁৱৰ সমীপৱৰ্তী কন্যা কন্দা ব’হাগী মেলা উপলক্ষে বঘৰা ৰংগমঞ্চত অনুষ্ঠিত হয় এই মুকলি বিহু । উল্লেখযোগ্য যে, সমগ্ৰ ৰাজ্যত কৰ’ণাৰ দ্বিতীয় লহৰে ৰাইজক ভীতিগ্ৰস্ত কৰাৰ সময়তে বিহুৰ আনন্দ-উল্লাসত মতলীয়া হৈ পৰিল বঘৰা অঞ্চলৰ সহস্ৰাধিক বিহুবলীয়া ৰাইজ । মাক্স পৰিধান নকৰাকৈ ৰাইজে উপভোগ কৰিলে হেঁপাহৰ ৰঙালী বিহু । দেখা নগ’ল সামাজিক দূৰত্ব, নাই কোনো ধৰণৰ ক’ভিড প্ৰটকল ৷ এনেদৰেই সমবেত ৰাইজে উপভোগ কৰিলে বহুকেইটা বিহুৱা দলৰ বিহু নৃত্য আৰু বিহু নাম ।