উন্নয়ন মূলক কামৰ বাবে বিজেপিৰ প্ৰতি আস্থা বাঢ়িছে ৰাইজৰ : পীযুষ হাজৰিকা

'থাওৰা আৰু মৰিয়নী সমষ্টিৰ উপ-নিৰ্বাচনত বিপুল ভোটত জয় লাভ কৰিব শাসকীয় দল বিজেপিৰ প্ৰাৰ্থীয়ে ৷ মুখ্যমন্ত্ৰী হিমন্ত বিশ্ব শৰ্মাৰ নেতৃত্বাধীন চৰকাৰৰ উন্নয়ন মূলক কামক লৈ অধিক সন্তুষ্টি প্ৰকাশ কৰিছে ৰাইজে ৷ তদুপৰি দুয়োটা সমষ্টিৰ প্ৰাৰ্থী দুগৰাকী আন প্ৰাৰ্থীতকৈ অধিক শক্তিশালী ৷' গোলাঘাটৰ মেৰাপানীত প্ৰধানমন্ত্ৰী গৰীৱ কল্যাণ যোজনাৰ অধীনত অন্ন মহোৎসৱৰ এক কাৰ্যসূচীত অংশগ্ৰহণ কৰি এই মন্তব্য প্ৰকাশ কৰে মন্ত্ৰী পীযুষ হাজৰিকাই ৷ উক্ত কাৰ্যসূচীত উপস্থিত থাকে সাংসদ তপন কুমাৰ গগৈৰ লগতে বিধায়ক বিশ্বজিৎ ফুকনো ৷ ইফালে, লক্ষী পূজাৰ উপলক্ষে শ্ৰী শ্ৰী আঠখেলীয়া নামঘৰত বন্তি প্ৰজ্বলন কৰে সাংসদ তপন কুমাৰ গগৈ, মন্ত্ৰী পীযুষ হাজৰিকা, বিধায়ক বিশ্বজিত ফুকনে ।