মুখ্যমন্ত্ৰী ৰূপে সোণোৱালক বিচাৰে মাজুলীৰ সত্ৰাধিকাৰে

মাজুলীৰ সত্ৰাধিকাৰ পিতাম্বৰ দেৱ গোস্বামীয়ে সোমবাৰে সৰ্বানন্দ সোণোৱালক পুনৰ অসমৰ মুখ্যমন্ত্ৰীৰূপে বিচাৰে বুলি মত প্ৰকাশ কৰে । সত্ৰাধিকাৰ গৰাকীয়ে সোণোৱালৰ সবল নেতৃত্বই সমগ্র অসমৰ উন্নয়ন আৰু সমন্বয়ৰ ধাৰা অব্যাহত ৰখাৰ বাবে পুনৰ বিজেপি চৰকাৰ গঠন কৰিবলৈ সক্ষম হৈছে বুলি মন্তব্য প্ৰকাশ কৰে । সেয়ে বিজেপিক পুনৰ সৰ্বানন্দ সোণোৱালকে মুখ্যমন্ত্ৰীৰূপে দায়িত্ব দিয়াৰ আহ্বান জনাইছে সত্ৰাধিকাৰ গৰাকীয়ে ।