কমতাপুৰ স্বায়ত্তশাসিত পৰিষদৰ মুখ্য কাৰ্যবাহী গকুল বৰ্মনক উষ্ম আদৰণী

কমতাপুৰ স্বায়ত্তশাসিত পৰিষদৰ মুখ্য কাৰ্যবাহী গকুল বৰ্মনক মঙলবাৰে বৰপেটাৰোডত উষ্ম আদৰণী জনায় ৷ শিমলুগুৰীৰ পৰা এখন পুষ্প সজ্জিত বাহনত উঠাই শ শ মটৰ চাইকেলৰে ৰেলী কৰি মুখ্য কাৰ্যবাহী গৰাকীক বৰপেটাৰোডলৈ আদৰি নিয়ে আক্ৰাছুৰ কৰ্মকৰ্তা সকলে ৷ মুখ্য কাৰ্যবাহী গৰাকীৰ আগমনত আৱতৰীয়া দীপাৱলী সদৃশ হৈ পৰে সমগ্ৰ বৰপেটাৰোড চহৰ ৷ সংবাদ মাধ্যমক মুখ্য কাৰ্যবাহী গৰাকীয়ে কয়, কমতাপুৰ স্বায়ত্তশাসিত পৰিষদৰ অন্তৰ্গত কোচৰাজবংশী লোকসকলৰ লগতে বিভিন্ন জাতি জনগোষ্ঠীৰ উন্নয়ন কৰাৰ ক্ষেত্ৰত বিভিন্ন ধৰণৰ আঁচনি পৰিকল্পনা কৰা হৈছে ৷