কলিয়াবৰৰ মিছা ভূঞাপট্টিত চোৰাং কাঠ জব্দ

কলিয়াবৰৰ মিছা ভূঞাপট্টিত চোৰাং কাঠ ভৰ্তি এখন বাহন জব্দ কৰে স্থানীয় ৰাইজে । বাহনখনৰ নম্বৰ হৈছে AS-02 AC-1189 ৷ বাহনখন ভূঞাপট্টিৰ ৰাইজে জব্দ কৰাৰ পাচতে মিছা আৰক্ষীক খবৰ দিয়াত ঘটনাস্থলীত উপস্থিত হয় আৰক্ষী ৷ আৰক্ষীয়ে বিষয় সন্দৰ্ভত বন বিভাগক খবৰ দিয়ে । বন বিভাগে চোৰাং কাঠসহ গাড়ীখন জব্দ কৰে । জব্দ হোৱা চোৰাং কাঠখিনিৰ বজাৰমূল্য প্ৰায় 50 হাজাৰ টকা হ'ব বুলি সদৰী কৰিছে স্থানীয় লোকে ৷