শ্ৰীনগৰ: দেওবাৰে জম্মু-কাশ্মীৰৰ শ্ৰীনগৰত সংঘটিত হয় এক সন্ত্ৰাসবাদী আক্ৰমণ । সন্ত্ৰাসবাদীৰ টি আৰ চি আৰু দেওবৰীয়া বজাৰত গ্ৰেনেড নিক্ষেপ কৰে, য’ত ১০ জনতকৈ অধিক লোক আহত হোৱাৰ খবৰ পোৱা গৈছে । জানিব পৰা মতে, সাপ্তাহিক দেওবাৰৰ বজাৰৰ বাবে অঞ্চলটোত বজাৰ কৰা লোকৰ বিপুল ভিৰ হয় আৰু সন্ত্ৰাসবাদীয়ে ইয়াৰে পূৰ্ণ সুযোগ লৈ এই বিস্ফোৰণ সংঘটিত কৰাৰ সন্দেহ কৰা হৈছে । গ্ৰেনেড বিস্ফোৰণৰ পিছতে অঞ্চলটোত বিশৃংখলতাৰ সৃষ্টি হয় ।
সূত্ৰই জনোৱা মতে, পৰ্যটন অভ্যৰ্থনা কেন্দ্ৰৰ খেলপথাৰৰ বাহিৰত গ্ৰেনেড নিক্ষেপ কৰাত কমেও ১২ জন সাধাৰণ নাগৰিক আহত হয় । আহতসকলক চিকিৎসাৰ বাবে শ্ৰীনগৰৰ SMHS হাস্পতাললৈ যোৱা হৈছে বুলিও সূত্ৰটোৱে জানিবলৈ দিয়ে ।
#WATCH | Jammu and Kashmir: Militants hurled grenade at TRC, Sunday market in Srinagar. More details awaited. pic.twitter.com/PTYR2Ud0x2
— ANI (@ANI) November 3, 2024
লগতে পঢ়ক: শ্ৰীনগৰ এনকাউণ্টাৰত নিহত শীৰ্ষ পাকিস্তানী সন্ত্ৰাসবাদী, আহত ৪ নিৰাপত্তাৰক্ষী
আক্ৰমণকাৰীৰ সন্ধানত আৰম্ভ অভিযান
বিষয়াসকলে জনোৱা মতে, আক্ৰমণকাৰীয়ে লক্ষ্যভ্ৰষ্ট হৈ ব্যস্ত বজাৰত গ্ৰেনেড নিক্ষেপ কৰে ৷ এই ঘটনাত কেইবাজনো সাধাৰণ নাগৰিক আহত হয় ৷ সম্প্ৰতি ঘটনাস্থলীলৈ অতিৰিক্ত বাহিনী প্ৰেৰণ কৰাৰ লগতে অঞ্চলটো ঘেৰাও কৰা হৈছে বুলিও তেওঁ কয় । বিষয়াগৰাকীয়ে লগতে কয় যে আক্ৰমণকাৰীক গ্ৰেপ্তাৰ কৰাৰ প্ৰচেষ্টা অব্যাহত আছে ।
#WATCH | Militants hurled grenade at TRC, Sunday market in Srinagar, Jammu and Kashmir
— ANI (@ANI) November 3, 2024
More Details Awaited. pic.twitter.com/BS2YRaF933
শ্ৰীনগৰৰ খানিয়াৰত এনকাউণ্টাৰত নিহত সন্ত্ৰাসবাদী ছোটা ৱালিদ
মাত্ৰ এদিন পূৰ্বে শনিবাৰে শ্ৰীনগৰৰ খনিয়াৰত নিৰাপত্তা বাহিনী আৰু সন্ত্ৰাসবাদীৰ মাজত সংঘৰ্ষত এটা সন্ত্ৰাসবাদী নিহত হয় ৷ এই সংৰ্ঘষত দুজন আৰক্ষী আৰু দুজন কেন্দ্ৰীয় সংৰক্ষিত আৰক্ষী বাহিনীৰ জোৱান আহত হয় । কাশ্মীৰৰ আৰক্ষী মহাপৰিদৰ্শকে জনাইছিল যে নিহত সন্ত্ৰাসবাদীটো মষ্ট ৱাণ্টেড পাকিস্তানী সন্ত্ৰাসবাদী কমাণ্ডাৰ ওছমান ওৰফে ছোটা ৱালিদ বুলি চিনাক্ত কৰা হৈছে । ২০২৩ চনৰ নৱেম্বৰ মাহত পৰিদৰ্শক মাছৰূৰ আহমেদ ৱানীৰ হত্যাকাণ্ডৰ সৈতে জড়িত আছিল সন্ত্ৰাসবাদী ওছমান ।
লগতে পঢ়ক: শ্ৰীনগৰৰ খানিয়াৰত নিৰাপত্তা বাহিনী আৰু সন্ত্ৰাসবাদীৰ সংঘৰ্ষ
