এ আই ইউ ডি এফক ভেঞ্চাৰ আখ্যা মুখ্যমন্ত্ৰী হিমন্ত বিশ্ব শৰ্মাৰ

নিৰ্বাচনী সভাত এটাৰ পিছত আন এটা প্ৰতিশ্ৰুতিৰ বন্যা মুখ্যমন্ত্ৰীৰ ৷ উপ-নিৰ্বাচনৰ দিন চমু চাপি অহাৰ লগে লগে প্ৰতিটো ৰাজনৈতিক দলৰ নিজৰ নিজৰ ৰাজনৈতিক কুচ-কাৱাজ আৰম্ভ হৈছে । ইয়াৰে ভিতৰত ব্যতিক্ৰম নহয় ভৱানীপুৰ সমষ্টি ৷ শ্বহীদৰ সমষ্টি ভৱানীপুৰত এখনৰ পিছত আন এখন নিৰ্বাচনী সভা পাতিছে ৰাজনৈতিক দলসমূহে । বুধবাৰৰ দিনটোত বিজেপি দলৰ প্ৰাৰ্থী ফণী তালুকদাৰৰ হৈ ভৱানীপুৰ সমষ্টিত মুখ্যমন্ত্ৰীয়ে অংশ লয় ৪ খনকৈ নিৰ্বাচনী সভাত । ইয়াৰে প্ৰথম খন নিৰ্বাচনী সভা ৰূপহী, দ্বিতীয় খন গাতি, তৃতীয় খন পুঠিমাৰী আৰু চতুৰ্থ খন বাংলিপৰাত । প্ৰতিকূল বতৰৰ মাজতে অনুষ্ঠিত কৰা হ’ল নিৰ্বাচনী সভাসমূহ । এ আই ইউ ডি এফৰ বিধায়ক পদ এৰি পুনৰ বিজেপিৰ বোকোচাত উঠি নিৰ্বাচনী যুঁজত নমা ফণী তালুকদাৰক জয়ী কৰাবলৈ এতিয়া উঠি পৰি লাগিছে শাসনাধিষ্ঠ বিজেপি দল ৷