পিতৃলৈ শুভেচ্ছা জ্ঞাপন পুত্ৰ নন্দিলৰ

ডঃ হিমন্ত বিশ্ব শৰ্মাই মুখ্যমন্ত্ৰী হিচাপে শপত লোৱাৰ পাছতেই সংবাদ মাধ্যমৰ আগত মনোভাৱ প্ৰকাশ কৰে পুত্ৰ নন্দিল বিশ্ব শৰ্মাই ৷ মুখ্যমন্ত্ৰী ডঃ হিমন্ত বিশ্ব শৰ্মাৰ লগতে নতুন মন্ত্ৰীসভাক শুভেচ্ছা জ্ঞাপন কৰে নন্দিলে ৷ নৱ নিৰ্বাচিত চৰকাৰক কৰ’ণা মহামাৰীৰ সৈতে যুঁজ দি অসমবাসীক সুৰক্ষা প্ৰদানৰ বাবে আহ্বান জনাই হিমন্ত পুত্ৰই ৷ লগতে শিক্ষাখণ্ডৰ ওপৰতো অধিক কাম কৰিবলৈ আহ্বান জনায় ৷ সংসদীয় ৰাজনীতিত এতিয়াই প্ৰৱেশ কৰিবলৈ ইচ্ছা ব্যক্ত নকৰি পৰৱৰ্তী দিনসমূহত অধ্যয়ন অব্যাহত ৰাখিব বুলি মন্তব্য কৰে নন্দিল বিশ্ব শৰ্মাই ৷