Job Mela at Sonari: সোণাৰিৰ নিয়োগ মেলাত শ শ নিবনুৱাৰ ভিৰ

ৰাজ্যৰ অন্যান্য জিলাৰ লগতে চৰাইদেউ জিলাৰ সোণাৰিতো অনুষ্ঠিত হৈছে নিয়োগ মেলা (Job Mela at Sonari)। নিয়োগ বিনিময় কেন্দ্ৰ সোণাৰি আৰু নিয়োগ আৰু কাৰিকৰী প্ৰশিক্ষণ সঞ্চালকালয় অসমৰ উদ্যোগত সোণাৰিৰ ভগৱতী প্ৰসাদ বৰুৱা সোঁৱৰণি উচ্চতৰ মাধ্যমিক বিদ্যালয়ৰ খেলপথাৰত অনুষ্ঠিত হয় এই নিয়োগ মেলাৰ । শিক্ষিত নিবনুৱাসকলক ব্যক্তিগত অনুষ্ঠান-প্ৰতিষ্ঠানত নিয়োগৰ সুবিধাৰ্থে অনুষ্ঠিত এই নিয়োগ মেলাত ভিৰ কৰে চৰাইদেউ জিলাৰ বিভিন্ন প্ৰান্তৰ যুৱক-যুৱতীসকল । ১২ টাকৈ ব্যক্তিগত প্ৰতিষ্ঠানে অংশগ্ৰহণ কৰে চৰাইদেউৰ এই নিয়োগ মেলাত আৰু এই প্ৰতিষ্ঠানসমূহে ৫০ গৰাকী যুৱক-যুৱতীক নিয়োগ দিব বুলি জানিবলৈ দিয়ে চৰাইদেউ নিয়োগ বিনিময় কেন্দ্ৰৰ বিষয়াই । এই নিয়োগ মেলাত উপস্থিত হৈ সকলো ব্যৱস্থাপনাৰ বুজ ল'লে চৰাইদেউ জিলাৰ উপায়ুক্ত গৰাকীয়ে ।