খ্ৰীষ্টান ধৰ্মলৈ ধৰ্মান্তৰিত লোকৰ অনুসূচিত জাতি মৰ্যাদা কৰ্তনৰ দাবী

নিজৰ ধৰ্ম ত্যাগ কৰি খ্ৰীষ্টান ধৰ্ম গ্ৰহণ কৰা লোকৰ অনুসূচিত জাতিৰ মৰ্যাদা কৰ্তনৰ দাবী জনাইছে সদৌ অসম গণ জাগৰণ পৰিষদৰ লখিমপুৰ জিলা সমিতিয়ে । মঙলবাৰে নাৰায়ণপুৰ প্ৰেছ ক্লাৱত এখন সংবাদমেল সম্বোধন কৰি সদৌ অসম গণ জাগৰণ পৰিষদৰ লখিমপুৰ জিলা সমিতিয়ে এই দাবী উত্থাপন কৰে । সংবাদমেলত সংগঠনটোৱে কেইবাটাও দাবী উত্থাপন কৰে । ভূমিপুত্ৰসকলক চৰকাৰী চাকৰিৰ নিযুক্তিত অগ্ৰাধিকাৰ দিবলৈ, অসম আৰক্ষীত নিয়োজিত সকলৰ অৱসৰৰ সময়সীমা ২২ বছৰ ধাৰ্য কৰাৰো দাবী জনায় সংগঠনটোৱে । এই সংবাদমেলখনত সদৌ অসম গণ জাগৰণ পৰিষদৰ লখিমপুৰ জিলা সমিতিৰ সভাপতি-সম্পাদকৰ লগতে কেন্দ্ৰীয় সমিতিৰ উপদেষ্টাগৰাকী উপস্থিত থাকে । বিশেষকৈ ধৰ্মান্তৰকৰণ হোৱা লোকক অনুসূচিত জাতিৰ মৰ্যাদা নিদিবলৈ চৰকাৰক আহ্বান জনায় সংগঠনটোৱে ।