গোলাঘাটত পঞ্চায়তৰ সভানেত্ৰীৰ ঘৰলৈ গুলীচালনা, ওদালগুৰিত প্ৰাক্তন আছু নেতাক আক্ৰমণ

ৰাজ্যৰ অব্যাহত আছে নাগৰিকত্ব সংশোধনী আইন বিৰোধী আন্দোলন ৷ তাৰ মাজতেই ভিন্ন স্থানত সংঘটিত হৈছে বিক্ষিপ্ত ঘটনা ৷ কোনো কোনো স্থানত জনজননি উঠিছে অবৈধ মাৰণাস্ত্ৰৰ ৷ গোলাঘাটৰ হাবিয়াল গাঁৱত বৃহস্পতিবাৰে নিশা সংঘটিত হয় গুলীচালনাৰ ঘটনা ৷ ঢেকীয়াল গাঁও পঞ্চায়তৰ সভানেত্ৰী ৰূপা ৰাজখোৱাৰ বাসগৃহলৈ ধাৰাসাৰ গুলী চালনা কৰে কোনো অচিনাক্ত দুৰ্বৃত্তই ৷ ওদালগুৰিতো টংলা আঞ্চলিক ছাত্ৰসন্থাৰ প্ৰাক্তন উপসভাপতিক আক্ৰমণ ৷ ইন্টাজুল ইছলামে তিনি সতীৰ্থসহ পানেৰীস্থিত নিজঘৰলৈ গৈ থকা অৱস্থাত বাইকত অহা দুৰ্বৃত্তই শিল দলিয়াই বলেৰ' বাহনখনলৈ ৷ এই ঘটনাত  সামান্য পৰিমাণে আহত হয় প্ৰাক্তন আছু নেতাগৰাকীৰ লগতে তেওঁৰ দুই সতীৰ্থ ৷