কলগাছিয়াৰ চৰখাৰবাল্লী ছানৰাইজ ডেভেলপমেন্ট চ’ছাইটিত অগ্নিকাণ্ড

কলগাছিয়া আৰক্ষী থানাৰ অন্তৰ্গত চৰখাৰবাল্লীৰ ছানৰাইজ ডেভেলপমেন্ট ছ’চাইটি (NGO)ৰ কাৰ্যালয়ত বৃহস্পতিবাৰে সংঘটিত হয় ভয়াৱহ অগ্নিকাণ্ড । অগ্নিকাণ্ডত ভস্মীভূত হয় ঘৰৰ আচবাব-পত্ৰসহ প্ৰায় লক্ষাধিক টকাৰ সম্পত্তি ৷ বৰ্তমানলৈ জানিব পৰা হোৱা নাই অগ্নিকাণ্ডৰ কাৰণ ৷ কোনো দুষ্কৃতিকাৰীয়ে অগ্নিসংযোগ কৰাৰ সন্দেহ কৰিছে স্থানীয় ৰাইজে । অগ্নিকাণ্ড সংঘটিত হোৱাৰ লগে লগে স্থানীয় ৰাইজে আহি জুই নিয়ন্ত্ৰন কৰে যদিও কাৰ্যালয়ৰ আচবাব-পত্ৰৰ লগতে ভষ্মীভূত হয় ঘৰটো ।