Drug seized in Nagaon: মহিলাসহ আটক 5

নগাঁও জিলাৰ ধিং গেটত বৃহস্পতিবাৰে আৰক্ষীয়ে অভিযান চলাই বুজন পৰিমাণৰ নিষিদ্ধ ড্ৰাগছ(Drugs peddler arrested in Nagaon)সহ নগদ ধন জব্দ কৰে ৷ আৰক্ষীৰ দলটোৱে অভিযানৰ সময়ত এগৰাকী মহিলা ড্ৰাগছ ব্যৱসায়ী(Drug peddler arrested)কো গ্ৰেপ্তাৰ কৰে । আনহাতে একেদিনাই চহৰখনৰ ফাঁচিৰোডত নগাঁও আৰক্ষীৰ এন্টি নাৰ্কটিক স্কোৱাডে(Anti Arctic Squad of Nagaon Police) অভিযান চলাই বুজন পৰিমাণৰ নিষিদ্ধ ড্ৰাগছসহ ৪ টা ড্ৰাগছ ব্যৱসায়ীক গ্ৰেপ্তাৰ কৰিবলৈ সক্ষম হয় । নগাঁও আৰক্ষীয়ে অভিযানৰ সময়ত প্ৰায় 15 গ্ৰাম ড্ৰাগছ উদ্ধাৰ কৰে ৷ নগাঁও আৰক্ষীয়ে দৈনিক ড্ৰাগছৰ বিৰুদ্ধে অভিযান অব্যাহত ৰাখিছে যদিও বৰ্তমানো জিলাখনৰ অলিয়ে গলিয়ে উপলব্ধ নিষিদ্ধ ড্ৰাগছ । বিশেষকৈ নগাঁও চহৰৰ ধিংগেট, ফাঁচিৰোড, বেঙেনাআটি আদি অঞ্চলত নিষিদ্ধ ড্ৰাগছৰ ঘাটিত পৰিণত হোৱাৰ কথা স্বীকাৰ কৰিছে খোদ নগাঁও জিলাৰ আৰক্ষী অধীক্ষক আনন্দ মিশ্ৰ(Nagaon SP Anand Mishra)ই ৷