আমিনগাঁৱত বৃহৎ পৰিমাণৰ ড্ৰাগছসহ আটক 3

কামৰূপ জিলা আৰক্ষীয়ে শুকুৰবাৰে মহানগৰীৰ চাৰিটা স্থানত ড্ৰাগছৰ বিৰুদ্ধে অভিযান চলাই বৃহৎ পৰিমাণৰ ড্ৰাগছ জব্দ কৰাৰ লগতে তিনিটা ড্ৰাগছ সৰবৰাহকাৰীক আটক কৰে ৷ কামৰূপ জিলা আৰক্ষী অধীক্ষক হিতেশ চন্দ্ৰ ৰায়ৰ নেতৃত্বত আৰক্ষীৰ এটা দলে মহানগৰীৰ বৰ্ণিহাটত অভিযান চলাই প্ৰায় ৪০ পেকেট হেৰ’ইন জব্দ কৰিবলৈ সক্ষম হয় । আনহাতে মহানগৰ যুটীয়া আয়ুক্ত পাৰ্থ সাৰথি মহন্ত আৰু উপ আৰক্ষী অধীক্ষক কল্যাণ পাঠকৰ নেতৃত্বত আন এটা দলে চলোৱা অভিযানত তিনিটা ড্ৰাগছ সৰবৰাহকাৰীক আটক কৰিবলৈ সক্ষম হয় । মণিপুৰৰ পৰা ড্ৰাগছ মাফিয়াৰ গেঙটোৱে বৃহৎ পৰিমাণৰ ড্ৰাগছ সৰবৰাহ কৰাৰ কথা উল্লেখ কৰে কামৰূপ আৰক্ষীয়ে । আটকাধীন সৰবৰাহকাৰীকেইটাৰ দুটা হৈছে ক্ৰমে মণিপুৰৰ ৰমেশ কুমাৰ চেত্ৰী (RAMESH KUMAR ), আইথেমচা মুছলাম(ITHEMCHA MUSLAM) ৷ জব্দকৃত ড্ৰাগছখিনিৰ মূল্য প্ৰায় চাৰি কোটি বুলি আৰক্ষীয়ে জানিবলৈ দিয়ে ।