আন্তঃজিলা যাতায়াতৰ ক্ষেত্ৰত কঠোৰ হ’ব ডিব্ৰুগড় জিলা প্ৰশাসন

ৰাজ্যৰ অন্য জিলাসমূহৰ দৰে ডিব্ৰুগড় জিলাৰ ক’ভিড (Covid) পৰিস্থিতি কিছু সুস্থিৰ হৈ উঠিছে যদিও প্ৰতিদিনে জিলাখনৰ বিভিন্ন ঠাইত ক’ভিড ৰোগী চিনাক্ত হৈ আছে । ৰাজ্য চৰকাৰে জাৰি কৰা ক’ভিডৰ নতুন নিৰ্দেশনা (SOP) মতে, ৰাজ্যৰ বহু জিলাৰ লগতে ডিব্ৰুগড়ত ক’ভিড নীতি-নিয়মত কিছু শিথিলতা আনিছে যদিও আন্তঃজিলা যাতায়াতৰ ক্ষেত্ৰত বাধা আৰোপ কৰিছে ৰাজ্য চৰকাৰে । কিন্তু কাৰ্যক্ষেত্ৰত জিলাখনত আন্তঃজিলা যাতায়াতৰ কোনো নীতি-নিয়ম মানি চলা নাই ৰাইজে । সেয়েহে ক’ভিড পৰিস্থিতিৰ প্ৰতি লক্ষ্য কৰি ডিব্ৰুগড়ত আন্তঃজিলা যাতায়াতৰ ক্ষেত্ৰত কঠোৰ হ’ব আৰক্ষী-প্ৰশাসন । জিলাখনৰ সীমান্তত আৰক্ষীয়ে কটকটীয়া কৰিব তালাচী ব্যৱস্থা । এই কথা সদৰী কৰে ডিব্ৰুগড় জিলা উপায়ুক্ত পল্লৱ গোপাল ঝা (Pallav Gopal Jha)ই ৷