ধেমাজিত ঢোলৰ ব্যৱসায়ীৰ মাজত ব্যস্ততা

অসমীয়াৰ পদুলিত এতিয়া হেপাঁহৰ ৰঙালী ৷ ডেকা-বুঢ়া সকলোৰে গাত বিহু লাগিছে ৷ নাচনীয়ে বিহু শিকিছে, ঢুলীয়াই ঢোল শিকিছে ৷ বিগত বছৰত মহামাৰী কৰ'ণা ভাইৰাছ গ্ৰাস কৰাৰ বাবে ৰঙালী বিহু উদযাপনৰ পৰা বিৰত থাকিবলগীয়া হৈছিল সেয়েহে এইটো বছৰ ৰাইজে দুগুণ উল্লাসেৰে বিহুটিক আদৰিবলৈ আগবাঢ়িছে ৷ ধেমাজিতো ঢোলৰ ব্যৱসায়ীৰ মাজত আগন্তুক ৰঙালী বিহুক লৈ ব্যস্ততা বাঢ়িব ধৰিছে ৷ ধেমাজিৰ ৰাজীৱ বাদ্য ভাণ্ডাৰত ঢোল নিৰ্মাণৰ কামত দিনে নিশাই ব্যস্ত হৈ পৰিছে কৰ্মীসকল ৷ ঢোল কিনিবলৈ উৎসাহ বাঢ়িছে ঢুলীয়া বিহুৱা ডেকাৰ মাজত আৰু খুব আগ্ৰহেৰে বিহুৰ বাবে উপস্থিত হৈছে বিহুৱা যুৱকসকল ৷