Broker in Police station : ডুমডুমাত এজাহাৰৰ লিখা দালাল আটক

তিনিচুকীয়া জিলাৰ ডুমডুমা আৰক্ষী থানাই মঙলবাৰে পুনৰ এজন দালালক গ্ৰেপ্তাৰ কৰে (Broker arrested at Doomdooma) । মুখ্যমন্ত্ৰী ড৹ হিমন্ত বিশ্ব শৰ্মাৰ নিৰ্দেশকো অমান্য কৰি এতিয়াও একাংশ দালালে চলাই আহিছে ৰমৰমীয়া বেহা । বহু থানাৰ সন্মুখত এজাহাৰ লিখাকে ধৰি অন্যান্য কাম কৰি দিয়াৰ আশ্বাসেৰে ভুক্তভোগীৰ পৰা ধন সৰকাই আহিছিল এইসকল দালালে । মঙলবাৰে তিনিচুকীয়া জিলাৰ ডুমডুমা নগৰত আৰক্ষীয়ে দালাল অৰিজিৎ দেৱক গ্ৰেপ্তাৰ কৰে । ইতিমধ্যে ভাৰতীয় দণ্ডবিধি আইনৰ অধীনত 120 (B)/420/384/465/468/469 ধাৰাত 20/22 নম্বৰৰ এক গোচৰ ৰুজু কৰি জেল হাজোতলৈ প্ৰেৰণ কৰিছে দালাল অৰিজিৎ দেৱক ।