জলগাঁও : মহাৰাষ্ট্ৰত সংঘটিত হৈছে এক ভয়াৱহ ৰে’ল দুৰ্ঘটনা । পুষ্পক এক্সপ্ৰেছত অগ্নিকাণ্ড সংঘটিত হোৱাৰ উৰাবাতৰিৰ ফলত একাংশ যাত্ৰীয়ে ৰে’লখনৰ পৰা জপিয়াই প্ৰাণৰক্ষাৰ চেষ্টা কৰে ৷ তেনে সময়তে আনটো ট্ৰেকেৰে পাৰ হৈ যোৱা কৰ্ণাটক এক্সপ্ৰেছে যাত্ৰীসকলক মহতিয়াই নিয়ে । এই ঘটনাত 13 জন লোকৰ মৃত্যু হোৱাৰ আশংকা কৰা হৈছে ।
মুম্বাইৰ পৰা 400 কিলোমিটাৰ নিলগত উত্তৰ মহাৰাষ্ট্ৰৰ জলগাঁও জিলাৰ পৰাণ্ডা ৰে‘ল ষ্টেচনৰ সমীপত বুধবাৰে সন্ধিয়া সংঘটিত হয় এই মৰ্মান্তিক ঘটনা । এই দুৰ্ঘটনাত 30 জনতকৈ অধিক লোক আহত হোৱা বুলি জানিব পৰা গৈছে । প্ৰথমাৱস্থাত এই ঘটনাত 11 জন লোক নিহত হৈছিল বুলি জানিব পৰা গৈছিল ৷ অৱশ্যে শেহতীয়াকৈ নিহতৰ সংখ্যা বাঢ়ি 13 জন হৈছে বুলি জানিব পৰা গৈছে ৷
VIDEO | Pushpak Express train mishap: Visuals from the spot near Pachora station, where several passengers of Pushpak Express were hit by Karnataka Express, claiming at least 10 lives. pic.twitter.com/jgIIZIyaz1
— Press Trust of India (@PTI_News) January 22, 2025
মহাৰাষ্ট্ৰৰ মুখ্যমন্ত্ৰী দেৱেন্দ্ৰ ফাড়নবিছ আৰু উত্তৰ প্ৰদেশৰ মুখ্যমন্ত্ৰী যোগী আদিত্যনাথে এই ঘটনাক লৈ গভীৰ শোক প্ৰকাশ কৰিছে । ইফালে আহতসকলক জলগাঁৱৰ সমীপৰ চিকিৎসালয়লৈ লৈ যোৱা হৈছে ।
তথ্য অনুসৰি, পুষ্পক এক্সপ্ৰেছখন লক্ষ্ণৌৰ পৰা মুম্বাইলৈ গৈছিল । একে সময়তে মনমাদৰ পৰা ভূসাৱললৈ যোৱা কৰ্ণাটক এক্সপ্ৰেছখন আনটো ট্ৰেকেৰে পাৰ হৈ গৈ আছিল ৷ সন্ধিয়া প্ৰায় 5 বজাত হঠাৎ ৰে’লখনত অগ্নিকাণ্ডৰ উৰাবাতৰি ওলোৱাত সকলো আতংকিত হৈ পৰে আৰু প্ৰাণৰক্ষাৰ বাবে ৰে’লৰ পৰা জপিয়াবলৈ ধৰে ।
#WATCH | At least 8 passengers of Pushpak Express suffered grievous injuries after being hit by Karnataka Express in Pachora of Jalgaon district. Visuals from the hospital in Jalgaon where the injured have been rushed to.
— ANI (@ANI) January 22, 2025
As per Railway officials, an incident of alarm chain… pic.twitter.com/bxS6FqbDqh
কেন্দ্ৰীয় ৰে’লৱেৰ মুখ্য মুখপাত্ৰ স্বপ্নীল নীলাই এই দুৰ্ঘটনা সন্দৰ্ভত বিতং তথ্য প্ৰদান কৰে । তেওঁ কয়, পুষ্পক এক্সপ্ৰেছৰ একাংশ যাত্ৰীয়ে নিজৰ জীৱন বচাবলৈ জপিয়াইছিল যদিও বেংগালুৰুৰ পৰা দিল্লী অভিমুখে আহি থকা কৰ্ণাটক এক্সপ্ৰেছখন তেওঁলোকৰ ওপৰেৰে পাৰ হৈ যায় ৷ ইফালে জিলাৰ এগৰাকী বিষয়াই জনোৱা মতে, এই দুৰ্ঘটনাত কমেও ৬ জন লোকৰ মৃত্যু হৈছে ।
#WATCH | Pushpak Express accident | Mumbai: CPRO Central Railway, Swapnil Nila says, " near pachora in jalgaon pushpak express which was coming from lucknow towards chhatrapati shivaji maharaj terminus, an incident of alarm chain pulling occurred. after this incident, a few… pic.twitter.com/M1aafb3DQ3
— ANI (@ANI) January 22, 2025
সংবাদ মাধ্যমৰ বাতৰি অনুসৰি, চেইন টানি ৰে’লপথত নামি অহা যাত্ৰীসকলক আন এখন ৰে’লে মহতিয়াই নিয়ে । একে সময়তে ৰে’লৰ মটৰমেনে ব্ৰেক লগোৱাৰ লগে লগে চকাৰ পৰা স্ফুলিংগ ওলাবলৈ ধৰে । ইফালে ৰে’লখনত জুই লগা বুলি যাত্ৰীসকলৰ মাজত খবৰ বিয়পি পৰে । যাৰ বাবে ৰে’লখনৰ যাত্ৰীসকলৰ মাজত এক বিশৃংখল পৰিৱেশৰ সৃষ্টি হয় আৰু ভয় খাই যাত্ৰীসকলে দবাৰ পৰা জপিয়াই প্ৰাণৰক্ষাৰ চেষ্টা কৰে । এই ঘটনাত কিমানজন যাত্ৰীৰ মৃত্যু হৈছে সেয়া এতিয়াও স্পষ্টকৈ জানিব পৰা হোৱা নাই ।
VIDEO | At least six persons were killed after they stepped down from their train on the tracks and were run over by another train coming from the opposite direction in North Maharashtra's Jalgaon district on Wednesday evening.
— Press Trust of India (@PTI_News) January 22, 2025
Visuals from the spot near Pachora station, where… pic.twitter.com/EKQU5LE50w
এই ঘটনাৰ পিছত ঘটনাস্থলীত আৰক্ষী অধীক্ষক, অতিৰিক্ত আৰক্ষী অধীক্ষক, জিলা আয়ুক্তকে ধৰি সংশ্লিষ্ট সকলো বিভাগৰ লোক সেই স্থানত উপস্থিত হয় । নাছিকৰ সংমণ্ডল আয়ুক্ত প্ৰবীণ গেদামে কয় যে তেওঁলোকে ডি আৰ এম আৰু ৰে’লৱেৰ বিষয়াসকলৰ সৈতে সমন্বয় সাধন কৰি আছে ।
৮ খন এম্বুলেন্স সেই স্থানত উপস্থিত হৈছে । ইয়াৰ লগতে ৰে’লৱে উদ্ধাৰ বাহিনী আৰু ৰে’লৱে এম্বুলেন্স ঘটনাস্থলীলৈ প্ৰেৰণ কৰা হৈছে । মৃতকৰ সংখ্যা বৃদ্ধি পাব পাৰে বুলি সংমণ্ডল আয়ুক্তগৰাকীয়ে জানিবলৈ দিয়ে ।
| লগতে পঢ়ক: শোকাৱহ দুৰ্ঘটনা; ২৪ ঘণ্টাত ১৪ জনৰ মৃত্যু |
