ধুবুৰীত বিজেপিৰ কেন্দ্ৰীয় ষ্টাৰ কেম্পেইনাৰ শ্বাহনাৱাজ হুছেইন

ধুবুৰীত বিজেপিৰ প্ৰাৰ্থী ডাঃ দেৱময় সান্যালৰ হৈ নিৰ্বাচনী প্ৰচাৰ চলালে বিজেপিৰ কেন্দ্ৰীয় ষ্টাৰ কেম্পেইনাৰ শ্বাহনাৱাজ হুছেইনে ৷ মঙলবাৰে দুপৰীয়াৰ ভাগত সভা অনুষ্ঠিত কৰাৰ কথা আছিল যদিও আবেলি প্ৰায় চাৰে চাৰি মান বজাতহে নিৰ্বাচনী সভাত উপস্থিত হয় বিজেপিৰ ষ্টাৰ কেম্পেইনাৰ শ্বাহনাৱাজ হুছেইন ৷ নিৰ্বাচনী সভাত কেন্দ্ৰীয় ষ্টাৰ কেম্পেইনাৰ গৰাকীয়ে নিজৰ ভাষণত কংগ্ৰেছ আৰু এআইইউডিএফক তীব্ৰ সমালোচনা কৰা পৰিলক্ষিত হয় ৷ কংগ্ৰেছ আৰু এআইইউডিএফে ভোটৰ নামত সংখ্যালঘু ৰাইজক ধৰ্মীয় ভয় দেখুৱাইছে বুলি সমালোচনা কৰাৰ লগতে আজমল সাংসদ হোৱাৰ পাছতো কোনো উন্নতি কৰিব পৰা নাই বুলিও কটাক্ষসূচক মন্তব্য ষ্টাৰ কেম্পেইনাৰ গৰাকীৰ ৷