জুইৰে কলাগুৰুৰ চিত্ৰ অংকন চিত্ৰশিল্পী নিৰ্জুৰাজ দাসৰ

কলাগুৰু বিষ্ণু প্ৰসাদ ৰাভাৰ ৫২ সংখ্যক স্মৃতি দিৱসত শিল্পীজনাক সুঁৱৰি শ্ৰদ্ধাঞ্জলি ৷ সত্ৰনগৰী বৰপেটাৰ উদীয়মান চিত্ৰশিল্পী নিৰ্জুৰাজ দাসে বিষ্ণু ৰাভা দিৱস উপলক্ষে বিপ্লৱী শিল্পীগৰাকীৰ প্ৰতি শ্ৰদ্ধাঞ্জলি জনাই জুইৰে শিল্পীগৰাকীৰ প্ৰতিচ্ছবি অংকন কৰে ৷ উল্লেখ্য যে, বিগত বৰ্ষৰ লক ডাউনৰ সময়ত যুৱ শিল্পীগৰাকীয়ে জুইৰে চিত্ৰ অংকন আৰম্ভ কৰিছিল ৷ উক্ত সময়ছোৱাত জুইৰে কেইবাখনো চিত্ৰ অংকন কৰি চিত্ৰ ৰসিকৰ পৰা প্ৰশংসিত হোৱাৰ লগতে অসম বুক অৱ ইয়েৰত নাম অন্তৰ্ভূক্ত কৰিবলৈ সক্ষম হৈছিল চিত্ৰশিল্পীগৰাকীয়ে ৷