দুবছৰে নাই আটচবাজীৰ ব্যৱসায়: এইবাৰ আশাৰে আটচবাজী প্ৰস্তুতত ব্যস্ত বৰপেটাৰ আটচবাজী শিল্পী

হিন্দু ধৰ্মাৱলম্বী লোকসকলৰ পবিত্ৰ উৎসৱ দীপাৱলী সমাগত ৷ দীপাৱলীৰ বাবে আটচবাজী প্ৰস্তুতৰ কামত ব্যস্ত হৈ পৰিছে বৰপেটাৰ থলুৱা আটচবাজী শিল্পীসকল ৷ ক'ভিড পৰিস্থিতিৰ বাবে বিগত দুটাকৈ বছৰে দীপাৱলী পালনৰ ক্ষেত্ৰত জাৰি কৰা চৰকাৰী নিৰ্দেশনাৰ ফলত ব্যাপক ক্ষতিৰ সন্মুখীন হৈ আহিছে বৰপেটাৰ আটচবাজী শিল্পীসকল ৷ অৱশ্যে এইবেলি দীপাৱলী পালনৰ ক্ষেত্ৰত চৰকাৰী নিষেধাজ্ঞা নাথাকিব বুলিয়েই আশা কৰিছে আটচবাজী শিল্পীসকলে ৷ বৰপেটাৰ থলুৱা আটচবাজী শিল্পীসকলৰ আশা, গুৱাহাটীৰ বজাৰখন মুকলি কৰি দিলেই অন্ততঃ কিছুপৰিমাণে উপকৃত হ’ব পাৰিব আটচবাজী শিল্পীসকলৰ পৰিয়াল ৷