ধিঙত মন্ত্ৰী হিমন্ত বিশ্ব শৰ্মাক তীব্ৰ কটাক্ষ আজমলৰ

সোমবাৰে ধিঙৰ এখন নিৰ্বাচনী সভাত মন্ত্ৰী হিমন্ত বিশ্ব শৰ্মাক তীব্ৰ কটাক্ষ কৰে বদৰুদ্দিন আজমলে ৷ ধিং সমষ্টিৰ মহাজোঁট বন্ধনৰ প্ৰাৰ্থী আমিনুল ইছলামৰ হৈ ধিঙৰ ডুমডুমীয়াত অনুষ্ঠিত এক সভাত অংশগ্ৰহণ কৰি মন্ত্ৰী ডঃ হিমন্ত বিশ্ব শৰ্মাক কটাক্ষ কৰে আজমলে ৷ কিছুদিন পূৰ্বে মিঞাৰ ভোট নালাগে বুলি কোৱা হিমন্তই এতিয়া মিঞাৰ ভোট বিচাৰিছে বুলি ভাষণত উল্লেখ কৰে বদৰউদ্দিন আজমলে ৷ লগতে নৱগঠিত আঞ্চলিক দল অসম জাতীয় পৰিষদ আৰু ৰাইজৰ দলক বিজেপিৰ এ টিম আখ্যা দিয়ে আজমলে ৷ লগতে প্ৰাৰ্থিত্বৰ পৰা বঞ্চিত হৈ নতুন ৰাজনৈতিক দল গঠন কৰি নিৰ্বাচনত অৱতীৰ্ণ হোৱা বটদ্ৰৱাৰ মতিউৰ ৰহমান আৰু ৰূপহীহাটৰ নুৰুল আমিন চৌধুৰীক নিলম্বন কৰাৰ কথা অৱগত কৰে বদৰুদ্দিন আজমলে ৷