ভূপালৰ মঞ্চত খলকনি তুলিছে অসমৰ বিহু নৃত্যই

অসমীয়াৰ স্বাভিমান বিহু নৃত্য ভূপালত প্ৰদৰ্শন কৰি ৰাষ্ট্ৰীয় পৰ্যায়ত জিলিকিল নগাঁৱৰ সূত্ৰধাৰ ৷ ভূপালত ১১ নৱেম্বৰৰ পৰা অনুষ্ঠিত হৈ থকা সংস্কৃতি আৰু প্ৰকৃতি শীৰ্ষক সাংস্কৃতিক অনুষ্ঠানত অসমৰ হৈ অংশগ্ৰহণ কৰিলে নগাঁৱৰ সূত্ৰধাৰে ৷ অসমক প্ৰতিনিধিত্ব কৰা একমাত্ৰ দলটিয়ে উক্ত অনুষ্ঠানত পৰিৱেশন কৰে বিহু ৷ পূৰ্বতেও বহুকেইটা ৰাষ্ট্ৰীয় আৰু আন্তঃৰাষ্ট্ৰীয় পৰ্যায়ৰ অনুষ্ঠানত অংশগ্ৰহণ কৰি সুনাম অৰ্জন কৰা সূত্ৰধাৰে এইবাৰো অসমলৈ সুনাম কঢ়িয়াই আনিবলৈ সক্ষম হয় ৷ সূত্ৰধাৰৰ এই সফলতাত সমগ্ৰ অসমৰ লগতে নগাঁওবাসী যথেষ্ট গৌৰৱান্বিত হৈ পৰিছে ৷