অখিল গগৈৰ সমৰ্থনত ওলাই আহিল সহস্ৰাধিক জনতা

চাৰিওফালে কেৱল মানুহ আৰু মানুহ ৷ পাৰভঙা উছাহৰ মাজেৰে এইদৰে নিৰ্বাচনী প্ৰচাৰ চলাই শিৱসাগৰৰ ৰাজপথত আগবাঢ়িছে জনতা ৷ পিছে কোন গৰাকী হেভীৱেট প্ৰাৰ্থীৰ বাবে এইদৰে স্বতঃস্ফূৰ্ত ভাৱে ওলাই আহিছে সহস্ৰাধিক জনতা ৷ এই সহস্ৰাধিক জনতা ওলাই আহিছে শিৱসাগৰ বিধানসভা সমষ্টিৰ ৰাইজৰ দলৰ প্ৰাৰ্থী তথা কাৰাবন্দী কৃষক নেতা অখিল গগৈৰ হকে ৷ হয়, ৰাজপথৰ প্ৰতিবাদৰ পৰা অখিল গগৈক দিছপুৰলৈ লৈ যোৱাৰ স্বাৰ্থতে ব্যাপক ৰূপত এইদৰে চলিছে অখিল গগৈৰ নিৰ্বাচনী প্ৰচাৰ ৷ তদুপৰি অখিল গগৈৰ সমৰ্থনত শিৱসাগৰ পালেহি নৰ্মদা বচাও আন্দোলনৰ নেত্ৰী মেধা পাটেকাৰো ৷