ৰাজ্যত পুনৰ সক্ৰিয় হৈছে নেকি "কা" বিৰোধী শক্তি !

উপ-নিৰ্বাচনৰ প্ৰাক্ ক্ষণত ৰাজ্যত পুনৰ সক্ৰিয় হৈছে কা বিৰোধী আন্দোলন ৷ নলবাৰীত সুধাকণ্ঠ ড৹ ভূপেন হাজৰিকা শিশু উদ্যানৰ সন্মুখতো মঙলবাৰে অসম জাতীয় পৰিষদে উত্তাল প্ৰতিবাদ সাব্যস্ত কৰে ৷ প্ৰতিবাদকাৰীসকলে কোনোকালে বিতৰ্কিত "কা" আইন নমনাৰ হুংকাৰ দিয়ে ৷ তেওঁলোকে এই আইনৰ বিৰোধীতাত চৰকাৰ বিৰোধী ধ্বনিৰে চৌদিশ উত্তাল কৰি তোলে ৷ উল্লেখ্য যে, অসম জাতীয় পৰিষদৰ কেন্দ্ৰীয় সমিতিৰ আহ্বান মৰ্মে মঙলবাৰে অসম জাতীয় পৰিষদৰ নলবাৰী জিলা সমিতিয়ে এই প্ৰতিবাদ সাব্যস্ত কৰে । প্ৰতিবাদকাৰীসকলে এই আইনৰ বিৰোধিতাত তাল-বৰকাঁহ বজাই এক উত্তপ্ত পৰিস্থিতিৰ সৃষ্টি কৰে ।