Wood smuggling in Assam: কাজিৰঙাত উদ্ধাৰ বুজন পৰিমানৰ মূল্যবান কাঠ

বোকাখাতত আৰক্ষী আৰু বন বিভাগৰ চকুত ধুলি দি অসাধু চক্ৰই দৈনিক চলাই গৈছে কাঠৰ চোৰাং সৰবৰাহ (Wood smuggling in Bokakhat)৷ নিশা হলেই বোকাখাতৰ সমিপৱৰ্তী কাৰ্বি পাহাৰৰ পৰা ৰাজ্যৰ বিভিন্ন স্থানলৈ দৈনিক চোৰাং ভাৱে ৰপ্তানি হয় লক্ষাধিক টকাৰ কাঠ (Wood smuggling in Assam) । বুধবাৰে নিশা কাৰ্বি আংলং জিলাৰ ডলামৰা আঞ্চলিক বন বিষয়া কাৰ্যালয়ৰ এটা টহলদাৰী দ’লে কাজিৰঙাৰ দিৰিং অঞ্চলত প্ৰায় ৩ লক্ষাধিক টকা মূল্যৰ কাঠ জব্দ কৰে । গৰাকীবিহীন কাঠখিনি বনচুম, তিতাচপা, পমা আদি মূল্যবান গছৰ বুলি জানিব দিয়ে বন বিভাগৰ লোকে । কোনো দুষ্ট চক্ৰই অবৈধ ভাৱে বিক্ৰী কৰিবৰ উদ্দেশ্যে কাঠখিনি উক্ত স্থানত পেলাই ৰাখিছিল বুলি ধাৰণা কৰা হৈছে । বন বিভাগৰ টহলদাৰী দলটোৱে কাঠখিনি জব্দ কৰি ডলামৰা আঞ্চলিক বন বিষয়াৰ কাৰ্যালয়লৈ স্থানান্তৰিত কৰা বুলি জানিব পৰা গৈছে ।