Youth found illicit relation with minor: এজন যুৱকক কিশোৰীৰে অসংযত অৱস্থাত উদ্ধাৰ

নগাঁও, 9 মাৰ্চ : নগাঁৱৰ ৰাঙলু গোস্বামী চাহ বাগিচাত সংঘটিত হৈছে এক লজ্জাজনক ঘটনা ৷  চাহ বাগিচাখনত অসংযত অৱস্থাত উদ্ধাৰ হৈছে এজন যুৱক আৰু এগৰাকী কিশোৰী (Youth found illicit relation with minor girl) ৷ বুধবাৰে নিশা ৰাঙলু গোস্বামী চাহ বাগিচাত দুয়োকে এখন বাহনৰ ভিতৰৰ পৰা অসংযত অৱস্থাত উদ্ধাৰ কৰে ৰাঙলু আৰক্ষীয়ে ।

জানিব পৰা মতে, ৰাঙলু আৰক্ষী পহৰা চকীৰ এটা তহলদাৰী গোটে বিশেষ খবৰৰ ভিত্তিত ৩৬ নং ৰাষ্ট্ৰীয় ঘাইপথৰ কাষত থকা ৰাঙলু গোস্বামী চাহ বাগিচাত এখন গাড়ীৰ ভিতৰত এগৰাকী কিশোৰী আৰু এজন যুৱকক অসংযত অৱস্থাত উদ্ধাৰ কৰে (Couple found in unethical state in Nagaon) । যুৱকজনৰ ঘৰ ডবকা থানাৰ অন্তৰ্গত ভেলৈগুৰি গাঁৱত বুলি জানিব পৰা গৈছে ৷ যুৱকজনক হুছেইন আলী (21) বুলি চিনাক্ত কৰা হৈছে ৷ 

ইফালে কিশোৰীগৰাকীৰ (15) ঘৰ যমুনামুখ থানাৰ অন্তৰ্গত সৰু পথাৰত বুলি আৰক্ষীৰ সূত্ৰত প্ৰকাশ । উল্লেখযোগ্য যে, পূৰ্বেও গোস্বামী চাহ বাগিচাত এনেধৰণৰ অপকৰ্মকে ধৰি বিভিন্ন অসামাজিক কাৰ্য চলি অহা বুলি অভিযোগ উত্থাপিত হৈ আহিছে ।

লগতে পঢ়ক : Cattle smuggling in Assam: মধ্য অসমত অব্যাহত আছে গৰুৰ চোৰাং সৰবৰাহ