Road Accident: ৰৈ থকা ট্ৰাকত খুন্দিয়াই যুৱকৰ মৃত‍্যু

কলিয়াবৰ, 18 অক্টোবৰ : মঙলবাৰে নিশা নগাঁও জিলাৰ কলিয়াবৰত শোকাৱহ পথ দুৰ্ঘটনা ৷  নিশা প্ৰায় ১২:৩০ বজাত কলিয়াবৰৰ গোমোঠা গাঁৱৰ 37 নং ৰাষ্ট্ৰীয় ঘাইপথত ৰখাই থোৱা এখন ট্ৰাকত তীব্ৰ বেগেৰে আহি প্ৰচণ্ড খুন্দা মাৰে এখন বাইকে ৷  পাল্চাৰ 250 মটৰ চাইকেলেৰে আহি আছিল যুৱকজন ৷ লগে লগে আহত যুৱকজনক কলিয়াবৰ মহকুমা অসামৰিক চিকিৎসালয়লৈ লৈ যোৱা হয় যদিও পথতে মৃত্যু হয় যুৱকজনৰ। মৃত যুৱকজন কলিয়াবৰৰ গোমোঠা গাঁৱৰ মৃগাংক বৰা বুলি জানিব পৰা গৈছে ৷ দুৰ্ঘটনাগ্ৰস্ত মটৰচাকেলখনৰ নম্বৰ AS12 AD 2637 বুলি জানিব পৰা গৈছে ৷ ৰৈ থকা ট্ৰাকখনৰ নম্বৰ AS01 GC 8461।

কোনোধৰণৰ সংকেত চিহ্ন নথকাকৈয়ে ৰাজপথত ট্ৰাকখন ৰখাই থোৱা আছিল বুলি স্থানীয় ৰাইজে অভিযোগ উত্থাপন কৰিছে ৷ ইতিমধ‍্যে দুৰ্ঘটনা সংঘটিত কৰা ট্ৰাকখন কলিয়াবৰ আৰক্ষীয়ে জব্দ কৰিছে ৷

লগতে পঢ়ক: Mortar recovered: IED ৰ পিচত এইবাৰ চিকৰাজানত মৰ্টাৰ উদ্ধাৰ