লখিমপুৰত সংঘটিত শোকাৱহ পথ দুৰ্ঘটনাত নিহত এজন যুৱক

স্বাধীনতা দিৱসৰ দিনাই ধলপুৰৰ দাধৰাত অঘটন । লখিমপুৰ জিলাৰ অসম অৰুণাচল সীমান্তত সংঘটিত হয় এটি শোকাৱহ পথ দুৰ্ঘটনা (Tragic road accident in Lakhimpur) ৷ লখিমপুৰ জিলাৰ অসম অৰুণাচল সীমান্তৰ প্ৰাকৃতিক সৌন্দৰ্য্যৰে ভৰপূৰ চেঁচা নৈৰ নান্দনিক দৃশ্য উপভোগ কৰি ঘৰলৈ উভতাৰ পথত সংঘটিত এই দুৰ্ঘটনাটোত নিহত হয় এজন যুৱক । পথেৰে আহি থকা অৱস্থাতে ঢলপুৰৰ দাধৰাত নিয়ন্ত্ৰণ হেৰুৱাই মটৰ চাইকেলখনে খুন্দিয়াই পথৰ কাষৰ এজোপা গছত ৷ AS07 R 9141 নম্বৰৰ এখন পালছৰ বাইকত অহা নিহত আৰোহীজন লখিমপুৰৰ এঙাৰখোৱা চাৰিআলিৰ ফুনু হাজৰিকাৰ একমাত্ৰ পুত্ৰ তথা এলটিকে মহাবিদ্যালয়ৰ ছাত্ৰ ভৈৰৱ হাজৰিকা (২০) বুলি জানিব পৰা গৈছে ৷ শোকাৱহ দুৰ্ঘটনাৰ পিছতে সমগ্ৰ এঙাৰখোৱা অঞ্চলত শোকৰ ছাঁ পৰিছে ৷