Birth Anniversary of Lachit Borphukan: মাজুলীৰ এজন যুৱকে নিৰ্মাণ কৰিলে লাচিতৰ প্ৰতিমূৰ্তি

লাচিত বৰফুকনৰ ৪০০ সংখ্যক জন্ম জয়ন্তী উপলক্ষে ৰাজ্যজুৰি উখল-মাখল পৰিৱেশ (Birth Anniversary of Lachit Borphukan) ৷ এই ক্ষেত্ৰত কিছু ব্যতিক্ৰম মাজুলী ৷ মাজুলীৰ শালমৰাৰ ৰাজীৱ ভূঞা নামৰ এগৰাকী শিল্পীয়ে বীৰজনাৰ প্ৰতি সন্মান জনাই থলুৱা সামগ্ৰী ব্যৱহাৰ কৰি নিৰ্মাণ কৰিলে লাচিত বৰফুকনৰ প্ৰতিমূৰ্তি । লাচিত বৰফুকন আচলতে কোন, কেনেদৰে অসমীয়া জাতিক লাচিত বৰফুকনে ৰক্ষা কৰিছিল সেইয়া আজিৰ নৱপ্ৰজন্মক অৱগত কৰোৱাৰ বাবে অসম চৰকাৰে যি পদক্ষেপ লৈছে তাৰো শলাগ ল’লে শিল্পীগৰাকীয়ে । তেওঁ লগতে কয় যে এই প্ৰতিমূৰ্তিভাগ গাঁৱত আয়োজন কৰা এখন সভাত মাজুলী জিলাৰ উপায়ুক্তৰ সন্মুখত প্ৰদৰ্শন কৰিব ।