Dancing with Snake: সাপ নচুৱাই নিজলৈ বিপদ মাতিলে যুৱকে

নিউজ ডেস্ক, 18 অক্টোবৰ: স্থানীয় মন্দিৰত অনুষ্ঠিত এক উৎসৱৰ মঞ্চত সাপৰ সৈতে নাচি থকা ভিডিঅ’ ছ’চিয়েল মিডিয়াত ভাইৰেল হোৱাৰ পাছতে বন বিভাগে গ্ৰেপ্তাৰ কৰিছে এজন যুৱকক । তামিলনাডুৰ থেনি জিলাৰ সমীপৱৰ্তী মুথুথেৱনপট্টিত মন্দিৰত অনুষ্ঠিত এক সাংস্কৃতিক কাৰ্যসূচীত সংঘটিত হৈছে এই ঘটনা । যুৱকজনে সাপৰ সৈতে নাচি থকা ভিডিঅ’টো ছ’চিয়েল মিডিয়া প্লেটফৰ্মত ব্যাপকভাৱে শ্বেয়াৰ কৰা হৈছিল । ভিডিঅ’টো দেখাৰ লগে লগে থেনি বন বিভাগৰ ৰেঞ্জাৰ চেন্থিল কুমাৰে তদন্ত আৰম্ভ কৰে । ভিডিঅ’টোত থকা ব্যক্তিজন বীৰাপাণ্ডিৰ 18 বছৰীয়া মুকিলভান্নান বুলি চিনাক্ত কৰা হয় । তাৰ পিছতে ৰেঞ্জাৰ চেন্থিল কুমাৰৰ নেতৃত্বত বন বিষয়াসকলে মুকিলভান্নানক গ্ৰেপ্তাৰ কৰে । গ্ৰেপ্তাৰৰ সময়ত বন বিভাগে মুকিলভান্নানৰ পৰা তিনিডাল ফেঁটী আৰু দুডাল ৰেট সাপ জব্দ কৰে । সাপকেইডালৰ দাঁত আঁতৰোৱা আছিল বুলি জানিব পৰা গৈছে । পৰৱৰ্তী সময়ত মুকিলভান্নানক গ্ৰেপ্তাৰ কৰি আদালতত হাজিৰ কৰা হয় আৰু তাৰ পিছত তেওঁক জিম্মাত লোৱা হয় ।

লগতে পঢ়ক: Dual Firecracker Factory Explosions: দুটাকৈ আতচবাজীৰ উদ্যোগত বিস্ফোৰণ, 10 গৰাকী শ্ৰমিকৰ মৃত্যু