Road accident at Kalgachia : কলগাছিয়াৰ শওপুৰত দুৰ্ঘটনা পতিত হ’ল চাৰিচকীয়া বাহন, আহত দুই মহিলা

জনিয়া, 20 অক্টোবৰ : বৰপেটা জিলাৰ কলগাছিয়া আৰক্ষী থানাৰ অন্তৰ্গত শওপুৰ দুই নং বিকল্প ৰাজ্যিক ঘাইপথত বৃহস্পতিবাৰে সংঘটিত হয় এক পথ দুৰ্ঘটনা । উক্ত পথ দুৰ্ঘটনাৰ ফলত গুৰুত্বৰভাৱে আহত দুই মহিলা । জানিব পৰা মতে, বৰপেটাৰ পৰা ৰঙাপানীৰ অভিমুখে গৈ আছিল AS 15G 0545 নম্বৰৰ এখন বিলাসী চাৰিচকীয়া বাহন ৷ বাহনখনত আছিল চালকসহ 3 জন যাত্ৰী ৷ 

হঠাৎ এই বাহনখন এটা প্ৰকাণ্ড গাঁতত বাগৰি পৰে । বাহনখনৰ নিয়ন্ত্ৰণ হেৰুৱাৰ ফলতে দুৰ্ঘটনাত পতিত হোৱাৰ সন্দেহ কৰিছে স্থানীয় ৰাইজে ৷ ইফালে বাহনখন দুৰ্ঘটনাত পতিত হোৱাৰ ফলত গুৰুতৰভাৱে দুই মহিলা আহত হৈছে বুলি জানিব পৰা গৈছে ৷ অৱশ্যে পৰৱৰ্তী পৰ্যায়ত বালিকুৰি আৰক্ষীৰ সহযোগত আহত দুই মহিলাক স্থানীয় ৰাইজে উদ্ধাৰ কৰি চিকিৎসালয়লৈ প্ৰেৰণ কৰে ৷ এই দুৰ্ঘটনাৰ ফলত বাহনখনৰো বহু ক্ষতি হয় ৷

লগতে পঢ়ক : Theft incident at Kalgachia : কলগাছিয়াত VIP ছাগলী চোৰ আটক