Woman rape and murdered: মহিলাক ধৰ্ষণ কৰি হত্যা কৰাৰ সন্দেহত এজন যুৱকক আটক

ৰঙাপৰা, 1 ছেপ্টেম্বৰ : শোণিতপুৰ জিলাৰ মিছামাৰীৰ গড়বস্তিত এক চাঞ্চল্যকৰ ঘটনা সংঘটিত হৈছে ৷ মিছামাৰীৰ গড়বস্তিত এগৰাকী মহিলাক ধৰ্ষণ কৰি হত্যা কৰাৰ সন্দেহ কৰা হৈছে ৷  মিছামাৰী আৰক্ষী থানাৰ অন্তৰ্গত গড়বস্তিত এগৰাকী মহিলাক কোনো দুৰ্বৃত্তই হত্যা কৰি থৈ যায়। শোৱাপাটীতে ৰহস্যজনকভাৱে এগৰাকী ৩০ বছৰীয়া মহিলাৰ মৃতদেহ উদ্ধাৰ কৰা হয় ৷

দুটা সন্তানৰ মাতৃ মহিলাগৰাকীৰ স্বামী কৰ্মসূত্ৰে অৰুণাচল প্ৰদেশত থাকে। নিশা স্বামী নথকাৰ সুযোগ গ্ৰহণ কৰি কোনো দুৰ্বৃত্তই প্ৰথমতে ধৰ্ষণ কৰে আৰু তাৰ পিচত হত্যা কৰি যোৱাৰ সন্দেহ প্ৰকাশ কৰিছে স্থানীয় ৰাইজে। শুকুৰবাৰে পুৱা বহু সময়লৈকে মহিলাগৰাকী শোৱাপাটীৰ পৰা উঠি নহাত স্থানীয় এগৰাকী মহিলাই চাবলৈ যোৱাৰ পিচতে প্ৰত্যক্ষ কৰে মহিলাগৰাকীৰ মৃতদেহ। 

ইয়াৰ পিচতে সন্দেহৰ ভিত্তিত মিছামাৰী আৰক্ষীয়ে এজন যুৱকক আটক কৰি সোধা পোছা অব্যাহত ৰাখিছে। দোষীক অতি শীঘ্ৰেই চিনাক্ত কৰি কঠোৰ শাস্তি প্ৰদান কৰিবলৈ জিলা প্ৰশাসনক দাবী জনাইছে গড়বস্তি গাঁৱৰ ৰাইজে।

লগতে পঢ়ক:Fake CBI officer Robbery: চিবিআইৰ ভুৱা পৰিচয়েৰে ফ্লেটত লুটপাত, এগৰাকী মহিলাৰ অশ্লীল ভিডিঅ’ ৰেকৰ্ড