Woman dies after being hit by train: বিলাসীপাৰাত ৰে’লৰ খুন্দাত কৰুণ মৃত্যু এগৰাকী মহিলাৰ

বিলাসীপাৰাৰ চিৰাকুটাত শুকুবাৰে সংঘটিত হয় এক মৰ্মান্তিক দুৰ্ঘটনা । ৰে’লৰ খুন্দাত কৰুণ মৃত্যু এগৰাকী মহিলাৰ (Woman dies after being hit by train in Bilasipara)। গুৱাহাটীৰ পৰা ধুবুৰী অভিমুখে গৈ থকা এখন যাত্ৰীবাহী ট্ৰেইনে মহতিয়াই নিয়ে মহিলাগৰাকীক ৷ প্ৰায় ২০০ মিটাৰ লৈকে মহতিয়া নিয়াত ছিন্ন-বিচ্ছিন্ন হৈ পৰে মহিলাগৰাকীৰ শৰীৰ । মৃত মহিলাগৰাকী ছুৱাপাতা দ্বিতীয় খণ্ড গাঁৱৰ মন্নাফ আলীৰ পত্নী তাৰা ভানু (২৮) বুলি জানিব পৰা গৈছে । আত্মীয়ৰ ঘৰৰ পৰা নিজ ঘৰ অভিমুখে গৈ আছিল মহিলাগৰাকী । গৈ থকা অৱস্থাতে সংঘটিত হয় এই মৰ্মান্তিক ঘটনাটো ৷ ঘটনাস্থলীত শালকোচা আৰক্ষী উপস্থিত হৈ মৃতদেহ উদ্ধাৰ কৰি মৰণোত্তৰ পৰীক্ষাৰ বাবে ধুবুৰী মেডিকেল কলেজ হাস্পতাললৈ প্ৰেৰণ কৰে ।