Akhand Bharat Yatra: জোনাইৰ পৰা আৰম্ভ ভোটাৰ পেন্সন আৰু অখণ্ড ভাৰত যাত্ৰা

জোনাই, 11 অক্টোবৰ: মঙ্গলবাৰৰ পৰা ভোটাৰ্চ পাৰ্টি ইণ্টাৰনেশ্যনেল অসম ৰাজ্যিক সমিতিৰ উদ্যোগত জোনাইৰ পৰা আৰম্ভ হৈছে ভোটাৰ পেন্সন আৰু অখণ্ড ভাৰত যাত্ৰা। জোনাইৰ ঙাচাৰ চুক্ অকুমৰ পৰা আৰম্ভ হোৱা এই ভোটাৰ পেন্সন আৰু অখণ্ড ভাৰত যাত্ৰাত ধেমাজি জিলাৰ বিভিন্ন প্ৰান্তৰ পৰা সহস্ৰাধিক পুৰুষ-মহিলাই অংশগ্ৰহণ কৰে । এই ভোটাৰ পেন্সন আৰু অখণ্ড ভাৰত যাত্ৰা 10 অক্টোবৰ পৰা 10 নৱেম্বৰলৈ এমাহ দিন ধৰি চলিব বুলি উদ্যোক্তাসকলে জানিব দিয়ে ৷ 

জোনাই সদৰৰ পৰা বিটিচি হৈ ধুবুৰীলৈ পদযাত্ৰা কৰা হ'ব বুলি জানিব দিয়ে সংগঠনটোৰ কৰ্মকৰ্তাই । ভোটাৰ্চ পাৰ্টি ইণ্টাৰনেশ্যনেল অসম ৰাজ্যিক সমিতিৰ উদ্যোগত মঙলবাৰে অনুষ্ঠিত কৰা এই ভোটাৰ পেন্সন আৰু অখণ্ড ভাৰত যাত্ৰাৰ উদ্বোধনী অনুষ্ঠানটোত অংশগ্ৰহণ কৰে ৰাজ্যিক সভাপতি ললিত পেগু, উপ-সভাপতি শিবেন দাস, জিতেন কুমাৰ শৰ্মা, তৰণী বসুমতাৰীকে আদি কৰি কেইবাজনো নেতা-কৰ্মীয়ে ।

লগতে পঢ়ক: Nagaon theft incident: সাংবাদিকৰ ঘৰত চোৰে চলালে চাফাই অভিযান