Junmoni Rabha Death Case: জোনমণি ৰাভাৰ হত্যাকাৰীক শীঘ্ৰে চিনাক্ত কৰাৰ দাবীত প্ৰতিবাদ

ৰৌতা, 24 মে’ : এছ আই জোনমণি ৰাভাৰ ৰহস্যজনক মৃত্যুক লৈ ৰাজ্যজুৰি এতিয়াও অব্যাহত আছে প্ৰতিক্ৰিয়া ৷ আৰক্ষী বিষয়া জোনমণি ৰাভাৰ ৰহস্যজনক মৃত্যুৰ উচিত তদন্তৰ লগতে হত্যাকাৰীক শীঘ্ৰে চিনাক্ত কৰাৰ দাবীত বুধবাৰে ওদালগুৰিৰ ৰাজপথলৈ ওলাই আহিল হেজাৰ হেজাৰ প্ৰতিবাদী লোক (Protest in Udalguri for Proper Probe) ৷  

ওদালগুৰি জিলা ৰাভা ছাত্ৰ সন্থা, ৰাভা মহিলা পৰিষদকে ধৰি কেবাটাও সংগঠনৰ আহ্বানত আজি ওদালগুৰি চহৰত এক বিশাল প্ৰতিবাদী সমদল উলিওৱা হয় (Various organizations Protest in Udalguri) ৷ ৰাভা ছাত্ৰ সন্থাৰ কাৰ্যালয়ৰ পৰা উলিওৱা সমদল গোলমা গাঁও হৈ ওদালগুৰি চহৰৰ মাজমজিয়াত থকা বিষ্ণু ৰাভা কৃষ্টি সংঘ প্ৰাংগনত সামৰণি পৰে ৷

প্ৰতিবাদ স্থলীত অংশ গ্ৰহণ কৰি প্ৰতিবাদকাৰী সকলে জোনমণি ৰাভাৰ মৃত্যুৰ ৰহস্য শীঘ্ৰে ফাদিলৰ দাবী জনোৱাৰ লগতে এই ক্ষেত্ৰত নগাঁও আৰক্ষীৰ ভূমিকাক কঠোৰ সমালোচনা কৰে (Protest in Udalguri) ৷

জোনমণি ৰাভাৰ হত্যাকাৰী চিনাক্ত নোহোৱালৈকে আন্দোলন অব্যাহত ৰখাৰো হুংকাৰ দিয়ে নিখিল ৰাভা ছাত্ৰ সন্থাই ৷ আনহাতে, জোনমণিৰ মৃত্যুৱে গৃহ বিভাগৰ ব্যৰ্থতাকে উদঙাই দিয়া বুলিও মন্তব্য কৰে প্ৰতিবাদকাৰীসকলে (Demanding Proper Probe into Junmoni Rabha Death) ৷

লগতে পঢ়ক: Protest at Dhemaji: কেইবাটাও দাবীৰে ধেমাজিত অসম জাতীয়তাবাদী যুৱ পৰিষদৰ অৱস্থান ধৰ্মঘট