সৰভোগত অচিনাক্ত মৃতদেহ উদ্ধাৰক লৈ চাঞ্চল্য

বৰপেটাৰোড,২০ ডিচেম্বৰ: বৰপেটাৰ সৰভোগত চাঞ্চল্যকৰ ঘটনা । সৰভোগৰ ৰূপসী চ’কৰ নিলগত পথৰ দাঁতিত বুধবাৰে পুৱা উদ্ধাৰ হয় এটি অচিনাক্ত মৃতদেহ । মৃতদেহ উদ্ধাৰ হোৱা ঘটনাক লৈ সমগ্ৰ অঞ্চলটোতে বিৰাজ কৰিছে তীব্ৰ চাঞ্চল্য ৷ ক'লা ৰঙৰ লংপেণ্ট আৰু চুৱেটাৰ পৰিহিত লোকজনক মঙলবাৰে নিশা কোনো দুৰ্বৃত্তই হত্যা কৰি পথৰ দাঁতিত পেলাই থৈ যোৱা বুলি স্থানীয় ৰাইজে সন্দেহ প্ৰকাশ কৰিছে ৷  

মৃতদেহটো স্থানীয় ৰাইজে প্ৰত্যক্ষ কৰি সৰভোগ আৰক্ষীক খবৰ দিয়ে । লগে লগে ঘটনাস্থলীত আৰক্ষী উপস্থিত হৈ তদন্ত আৰম্ভ কৰে ৷ মৃতদেহটোৰ শৰীৰত কিছু আঘাতৰ চিন স্থানীয় ৰাইজে প্ৰত্যক্ষ কৰা বুলি জানিবলৈ দিয়ে ৷ মৃতদেহটো মৰণোত্তৰ পৰীক্ষাৰ বাবে বৰপেটালৈ প্ৰেৰণ কৰে সৰভোগ আৰক্ষীয়ে ৷

লগতে পঢ়ক: গ্ৰাহকক চাউল বিতৰণ বন্ধ কৰিব সুলভ মূল্যৰ ব্যৱসায়ীয়ে