Accident in Kaliabor: বুঢ়াপাহাৰত পথ দুৰ্ঘটনা, বস্তা ভৰাই বহুতে কঢ়িয়ালে আলু

নগাঁও, 15 মাৰ্চ: বুধবাৰে পুৱাই দৌৰাদৌৰি লাগিল কলিয়াবৰৰ বুঢ়াপাহাৰৰ সমীপৱৰ্তী অঞ্চলসমূহত ৷ কাৰণ দুৰ্ঘনাগ্ৰস্ত হৈছে এখন মালবাহী ট্ৰাক (Truck accident in Kaliabor) ৷ হয়, কলিয়াবৰ মহকুমাৰ অন্তৰ্গত বুঢ়াপাহাৰৰ ৩৭ নং ৰাষ্ট্ৰীয় ঘাইপথটোৰে গৈ থকাৰ অৱস্থাত পাহাৰীয়া কেকুৰিত এখন মালবাহী ট্ৰাক বাগৰি পৰে ।

পাহাৰৰ পৰা তললৈ বাগৰি পৰা আলুভৰ্তি ট্ৰাকখনত থকা আলুৰ বস্তাবোৰ চৌদিশে চেদেলি-ভেদেলি হৈ পৰে (Truck loaded with potatoes accident) । এই সুযোগতে হাতত মোনা, বস্তা লৈ সেই স্থানত উপস্থিত হোৱা স্থানীয় লোকসকলে হেতা-ওপৰা লগালে ৷ ইফালে ইয়াৰ মাজতে ঘটনাস্থলীত উপস্থিত হয় জখলাবন্ধা থানাৰ আৰক্ষীৰ এটা দল আৰু নিয়ন্ত্ৰণ কৰে পৰিস্থিতি ৷

অৱশ্যে পথৰ পৰা তললৈ বাগৰি পৰা ট্ৰাকখনৰ চালক আৰু হেণ্ডিমেনৰ প্ৰাণ কোনোমতে ৰক্ষা পৰা বুলি জানিব পৰা গৈছে ।

লগতে পঢ়ক : Poor health services on char land: নৌকা স্বাস্থ্য সেৱাৰ অভাৱত চাঙীত উঠি চিকিৎসালয়লৈ ৰোগী