মাকুম গান্ধীনগৰ তেল ডিপ'ৰ সমীপত পথ দুৰ্ঘটনা

তিনিচুকীয়া,১৯ ডিচেম্বৰ: তিনিচুকীয়া জিলাৰ মাকুমত মঙলবাৰে পুৱাই সংঘটিত হয় এক শোকাবহ পথ দুৰ্ঘটনা । দুৰ্ঘটনাত থিতাতে নিহত হয় এজন লোক ৷ এখন চলন্ত ডাম্পাৰত এগৰাকী স্কুটি আৰোহী পাছফালৰ পৰা সোমাই পৰাত স্কুটি আৰোহীগৰাকী থিতাতে নিহত হয় ৷ দুৰ্ঘটনা সংঘটিত হোৱা ডাম্পাৰখন নম্বাৰ প্লেটবিহীন বুলি জানিব পৰা গৈছে । ডাম্পাৰখন চেপাখোৱাৰ খৰমজিত গগৈ নামৰ এগৰাকী ব্যক্তিৰ আৰু ড্ৰাইভাৰগৰাকীৰ নাম নুক বাহাদুৰ সোণোৱাৰ ।  

দুৰ্ঘটনাগ্ৰস্ত হোৱা স্কুটিখনৰ নম্বৰ AS-23-0-3772 । বাতৰি সংগ্ৰহ কৰালৈকে নিহত ব্যক্তিগৰাকী কোনো পৰিচয় উদ্ধাৰ কৰিবলৈ সক্ষম হোৱা নাই । পৰৱৰ্তী সময়ত ঘটনাস্থলীত মাকুম আৰক্ষী উপস্থিত হৈ মৃতদেহতো উদ্ধাৰ কৰি মৰণোত্তৰ পৰীক্ষাৰ বাবে তিনিচুকীয়াৰ অসামৰিক চিকিৎসালয়লৈ পঠিওৱাৰ ব্যৱস্থা কৰাৰ লগতে ঘটনাৰ তদন্ত কৰিছে ।  

লগতে পঢ়ক: সুৰা পাৰ্টীৰ ভয়ংকৰ পৰিণাম, কণ্ঠশিল্পী দেৱজিৎ সাহাৰ ভতিজীসহ চাৰি আহত