TMC Protest: মূল্যবৃদ্ধিৰ প্ৰতিবাদত বৰপেটাত তৃণমূল কংগ্ৰেছৰ ধৰ্ণা

বৰপেটাত তৃণমূল কংগ্ৰেছ চমুকৈ TMC-ৰ প্ৰতিবাদ (TMC protest in Barpeta) ৷ ৰাজ্যত সংঘটিত ব্যাপক দ্ৰব্যমূল্য বৃদ্ধিৰ প্ৰতিবাদত বৰপেটাত ধৰ্ণা TMC-ৰ (Price hike of essential commodities) ৷ বৰপেটা জিলা তৃণমূল কংগ্ৰেছৰ (Trinamool Congress Assam) উদ্যোগত ব্যাপক দ্ৰব্যমূল্য বৃদ্ধিৰ প্ৰতিবাদত বৰপেটাৰ জিলা উপায়ুক্ত কাৰ্যালয়ৰ সমীপত ধৰ্ণাত বহে TMC ৷ দেশত অব্যাহত থকা দ্ৰব্যমূল্য বৃদ্ধিৰ বাবে প্ৰধানমন্ত্ৰী নৰেন্দ্ৰ মোদীকো সমালোচনা TMCৰ ৷ ইপিনে ৰাজ্যৰ মুখ্যমন্ত্ৰী ড৹ হিমন্ত বিশ্ব শৰ্মাই দ্ৰব্যমূল্যৰ অত্যধিক বৃদ্ধিয়ে ৰাইজক জুৰুলা কৰাৰ সময়ত ৰাইজৰ সমস্যা সমাধানৰ পৰিৱৰ্তে বিধায়ক কিনা-বেচাতহে অধিক তৎপৰ বুলি মুখ্যমন্ত্ৰীকো সমালোচনা কৰে ৷ একেদৰে পৌৰ এলেকাৰ অতিৰিক্ত কৰ প্ৰত্যাহাৰৰো দাবী তোলে দলটোৱে ৷ চৰকাৰৰ জনবিৰোধী নীতিৰ সমালোচনা কৰিলেই ৰঙাঘৰৰ ভাত খাবলগীয়া পৰিস্থিতিৰ সৃষ্টি হৈছে যদিও TMC-এ ৰাইজৰ স্বাৰ্থত মাত মাতিছে বুলি মন্তব্য তৃণমূল নেত্ৰীৰ ৷ ইপিনে মূল্যবৃদ্ধি ৰোধৰ দাবীত জিলা উপায়ুক্তৰ জৰিয়তে ৰাজ্যপাললৈ স্মাৰক-পত্ৰ প্ৰেৰণ তৃণমূল কংগ্ৰেছৰ ৷