Protest against price hike: মূল্যবৃদ্ধিৰ বিৰুদ্ধে TMC প্ৰতিবাদ

বৰপেটা,১০ আগষ্ট: অস্বাভাৱিক মূল্যবৃদ্ধিয়ে কোঙা কৰি তুলিছে সৰ্বসাধাৰণ জনতাক ৷ বজাৰত লগা জুয়ে জটিল কৰি তুলিছে সাধাৰণ ৰাইজৰ জীৱন ৷ এনে এক পৰিস্থিতিত মূল্যবৃদ্ধি ৰোধ কৰি সাধাৰণ জনতাক সকাহ দিয়াৰ দাবীত আজি বৰপেটাত তৃণমূল কংগ্ৰেছে ৰূপায়ণ কৰে তীব্ৰ প্ৰতিবাদী কাৰ্যসূচী ৷  

তৃণমূল কংগ্ৰেছৰ বৰপেটা জিলা সমিতি আৰু যুৱ সমিতিৰ উদ্যোগত মূল্যবৃদ্ধি ৰোধ কৰাৰ দাবীত প্ৰতিবাদ সাব্যস্ত কৰে ৷ ইপিনে মূল্যবৃদ্ধি ৰোধৰ বাবে ব্যৱস্থা লবলৈ দাবী জনাই ৰাজ্যৰ মুখ্যমন্ত্ৰীলৈ প্ৰেৰণ কৰে এখন স্মাৰকপত্ৰ  ৷  

স্মাৰকপত্ৰখনত দলটোৱে শেহতীয়াভাৱে আকাশলংঘী মূল্যবৃদ্ধিয়ে ৰাজ্যত ভয়াবহ ৰূপ ধাৰণ কৰা বুলি অভিযোগ তুলি বিবিধ খাদ্য সামগ্রী, শাক-পাচলি, জীৱনদায়িনী ঔষধ, পেট্ৰ'লজাত আদি সামগ্ৰীৰ অত্যধিক মূল্য বৃদ্ধিয়ে জনসাধাৰণক জুৰুলা কৰি তুলিছে বুলি দাবী কৰে । এনে পৰিস্থিতিত ৰাজ্যত আকাশলংঘী মূল্যবৃদ্ধিয়ে কোঙা কৰি তোলা ৰাইজক সকাহ দি মূল্যবৃদ্ধি ৰোধ কৰাৰ বাবে দাবী জনায় বৰপেটা জিলা তৃণমূল কংগ্ৰেছে ৷ 

লগতে পঢ়ক: AJP protest at Dighalipukhuri: মূল্যবৃদ্ধিৰ বিৰুদ্ধে দীঘলীপুখুৰী পাৰত জাতীয় মহিলা শক্তিৰ গৰ্জন