Ajmal Controversy: আজমলক গ্ৰেপ্তাৰৰ দাবীৰে চিৰাঙত TMCৰ প্ৰতিবাদ

AIUDFৰ সভাপতি তথা সাংসদ বদৰুদ্দিন আজমলে হিন্দু সমাজ সন্দৰ্ভত কৰা মন্তব্যক কেন্দ্ৰ কৰি ৰাজ্যত অব্যাহত আছে প্ৰতিক্ৰিয়া(Badruddin Ajmal controversy) ৷ আজমলৰ এই সাম্প্ৰদায়িক তথা বিভেদকামী মন্তব্যৰ বিৰোধিতা কৰি চিৰাঙৰ বিজনীত আজমলৰ পুত্তলিকা দাহ কৰি প্ৰতিবাদী কাৰ্যসূচী ৰূপায়ণ কৰে চিৰাং জিলা তৃণমূল কংগ্ৰেছে(Protest against Ajmal) । আজমলে কৰা এনে মন্তব্যৰ বাবে তেওঁক 12ঘণ্টাৰ ভিতৰ গ্ৰেপ্তাৰ কৰাৰ লগতে সাংসদ পদ খাৰিজ কৰাৰ দাবী তৃণমূল কংগ্ৰেছৰ ৷ এই প্ৰতিবাদী কাৰ্যসূচীত উপস্থিত থাকে চিৰাং জিলা তৃণমূল কংগ্ৰেছৰ সভাপতি অনিৰ্বান সেনৰ লগতে শতাধিক নেতা কৰ্মী ৷ উল্লেখ্য যে, গুৱাহাটীতো বদৰুদ্দিন আজমলক গ্ৰেপ্তাৰৰ দাবীত পুত্তলিকা দাহ কৰি প্ৰতিবাদী কাৰ্যসূচী ৰূপায়ণ কৰে অসম তৃণমূল কংগ্ৰেছে ৷