স্বাধীনতা দিৱসৰ পূৰ্বে কটকটীয়া নিৰাপত্তা বেষ্টনী গঢ়ি তুলিছে দুলীয়াজান আৰক্ষীয়ে

সমাগত স্বাধীনতা দিৱস ৷ দেশজুৰি ‘আজাদী কা অমৃত মহোৎসৱ’ৰ (Azadi ka Amrit Mahotsav) লগত সংগতি ৰাখি দেশবাসীয়ে পালন কৰিছে ‘হৰ ঘৰ ত্ৰিৰংগা’ (Har Ghar Tiranga) কাৰ্যসূচী ৷ ১৫ আগষ্টৰ এই বিশেষ দিনটোৰ প্ৰাকমুহূৰ্তত সষ্টম হৈ পৰিছে অসম আৰক্ষী । সমান্তৰালকৈ দুলীয়াজান আৰক্ষীয়েও স্পৰ্শকাতৰ স্থানসমূহত আৰম্ভ কৰিছে নিশ্ছিদ্ৰ তালাচী অভিযান (Tight security arrangements) । দুলীয়াজান আৰক্ষী থানাৰ অন্তৰ্গত ভাদৈ পাঁচআলিতো দেখা যায় অনুৰূপ পৰিৱেশ । ভাদৈ আৰক্ষী চকীৰ কাষতেই দিনৰ পৰাই আৰম্ভ কৰিছে নিশ্চিদ্ৰ তালাচী অভিযান। স্বাধীনতা দিৱসৰ দিনটোত কোনো সশস্ত্ৰ উগ্ৰপন্থী সংগঠনে যাতে ডিব্ৰুগড় জিলাৰ বিভিন্ন স্থানৰ লগতে দুলীয়াজান অঞ্চলত কোনো ধৰণৰ কুটাঘাট সংঘটিত কৰিব নোৱাৰে তাৰ বাবে দিনে-নিশাই তৎপৰতা দেখা পোৱা গৈছে দুলীয়জান আৰক্ষীৰ । লগতে দুলীয়াজান-ডিগবৈ সংযোগী পথত অহা-যোৱা কৰা প্ৰতিখন বাহনতে তালাচী চলোৱা পৰিলক্ষিত হৈছে ।