Girls missing: স্নেহবন্ধন শিশু গৃহৰ পৰা তিনি কিশোৰী নিখোঁজ

তেজপুৰ, ২ নৱেম্বৰ : তেজপুৰৰ স্নেহবন্ধন শিশু গৃহত চাঞ্চল্যকৰ ঘটনা সংঘটিত হৈছে ৷ খেলি থকাৰ অৱস্থাতেই পলায়ন কৰে শিশু গৃহটোৰ কৰা তিনিগৰাকী কিশোৰী ৷ বুধবাৰে বিয়লি শিশু গৃহটোৰ প্ৰাংগনত শিশুসকলে লুকা-ভাকু খেলি থকাৰ সময়তেই কৰ্তৃপক্ষৰ চকুৰ সন্মুখতেই এই ঘটনা সংঘটিত হয় বুলি জানিব পৰা গৈছে ৷ বিগত চাৰি পাঁচ মাহ ধৰি স্নেহবন্ধন শিশু গৃহত আশ্ৰয় লৈ আছিল তিনিগৰাকী কিশোৰী ৷

এই বিষয়ে ইতিমধ্যে তেজপুৰ লালমাটি আৰক্ষী চকীত গোচৰ ৰুজু কৰিছে স্নেহবন্ধন শিশু গৃহৰ ফালৰ পৰা । সম্প্ৰতি কিশোৰীকেইগৰাকীৰ সন্দৰ্ভত স্নেহবন্ধন শিশু গৃহৰ কৰ্তৃপক্ষই বিশেষ তথ্য জনোৱাৰ পৰা বিৰত থাকে  ৷ তেওঁলোকে জিলা শিশু সুৰক্ষা গোটক অৱগত কৰিছে বুলি সদৰী কৰিছে ৷ এই ঘটনা সন্দৰ্ভত তেজপুৰ সদৰ আৰক্ষীয়ে তদন্ত অব্যাহত ৰাখিছে বুলি জানিব দিয়ে ৷

লগতে পঢ়ক: Youth attacks woman by liquor bottle: সুৰাৰ বটলেৰে মহিলাক আক্ৰমণ যুৱকৰ