Theft in Dergaon : দেৰগাঁও থানাৰ নিচেই কাষৰ পৰা চোৰে লৈ গ’ল নগদ ধন

গোলাঘাট, 10 নৱেম্বৰ : আৰক্ষী থানাৰ নিচেই কাষতেই সংঘটিত হ’ল চুৰিকাণ্ড ৷ শুকুৰবাৰে ভৰ দুপৰীয়া সংঘটিত হোৱা চুৰিকাণ্ডটো সংঘটিত হ’ল গৃহস্থ কামলৈ ওলাই যোৱাৰ সুযোগত ৷ থানাৰ নিলগতে থকা ডাকঘৰৰ সমীপৰ জিসান জংগম বৰা আৰু ভৱানী কলিতাৰ বাসগৃহত সংঘটিত হয় চুৰিকাণ্ডটো ৷ চোৰে নগদ ধনসহ সা-সম্পত্তি লুটপাত কৰাৰ লগতে বহু সা-সম্পত্তি লণ্ডভণ্ড কৰে । উল্লেখ্য যে বিগত বহুদিন ধৰি দেৰগাঁও চহৰৰ আশে-পাশে বহুকেইটা চুৰিকাণ্ড সংঘটিত হৈ আহিছে  । আনহাতে শুকুৰবাৰে চুৰিকাণ্ডটো সংঘটিত হোৱাৰ পাচতে ভুক্তভুগী পৰিয়ালে দেৰগাঁও আৰক্ষী থানাত এক গোচৰ ৰুজু কৰে । ইফালে আৰক্ষীৰ ব্যৰ্থতাৰ সন্দৰ্ভত স্থানীয় ৰাইজৰ লগতে ভুক্তভোগী পৰিয়ালে ক্ষোভ প্ৰকাশ কৰিছে । ঘটনাস্থলীত দেৰগাঁও আৰক্ষী উপস্থিত গৈ চোৰৰ সন্ধানত অনুসন্ধান অব্যাহত ৰাখিছে ৷

লগতে পঢ়ক : Fake Currency Seized : ধুবুৰীত জাল নোটসহ দুটা সৰবৰাহকাৰীক গ্ৰেপ্তাৰ