Theft Incident : ব্যৰ্থ প্ৰয়াস; বাইক চুৰ কৰি আধা বাটতে পেলাই থৈ গ’ল চোৰে

নলবাৰী, 8 ছেপ্টেম্বৰ : নলবাৰীৰ মেৰুৱাট্টাৰীত চুৰিকাণ্ডৰ ঘটনা সংঘটিত হৈছে । মেৰুৱাট্টাৰী গাৱৰ গাঁৱৰ ইনাম আলীৰ ঘৰত চুৰিকাণ্ডৰ ঘটনা সংঘটিত হয় । চোৰে চুৰি কৰি নিয়া বাইক আধা বাটতে পেলাই থৈ যায় ৷ পৰিয়ালৰ লোকে জানিবলৈ দিয়া মতে ৰাতি প্ৰায় 3 মান বজাত ইনাম আলীৰ AS14N8461 নম্বৰৰ গ্লেমাৰ বাইকখন চোৰে তলা ভাঙি লৈ যায় যদিও প্ৰায় 30 মিটাৰ মান দূৰৈত আমজাদ আলী নামৰ আন এজন লোকৰ ঘৰৰ সন্মুখত পেলাই থৈ যায়।

পুৱা গাঁৱৰ লোকে গাড়ীখন পৰি থকা অৱস্থাত প্ৰত্যক্ষ কৰি ইনাম আলীৰ ঘৰত খবৰ দিয়াত ঘটনাস্থলীত উপস্থিত হয় আলীৰ পৰিয়ালটো ৷ পৰিয়ালৰ লোকে জানিব দিয়া অনুসৰি মেৰুৱাট্টাৰী গাঁওখন দিনক দিনে ড্ৰাগছ, জুৱাৰ ঘাটিত পৰিণত হ’বলৈ ধৰিছে, যাৰ বাবে দিনক দিনে বিভিন্ন লোকৰ ঘৰত চুৰিকাণ্ড ঘটনা বেছিকৈ সংঘটিত হ’বলৈ ধৰিছে ৷ ড্ৰাগছ, জুৱাৰ লগত জড়িত লোকেই বাইকখনৰ চুৰিকাণ্ড সংঘটিত কবা বুলি অভিযোগ উত্থাপন কৰিছে পৰিয়ালৰ লোকে । প্ৰশাসনক এই বিষয়ে তদন্ত কৰাৰ লগতে ৰাইজক সজাগ হ’বলৈ আহ্বান জনায় ভুক্তভোগী পৰিয়ালটোৱে ৷

লগতে পঢ়ক: Ganja smugglers arrested: জোনাই নগৰীয়া কেম্পত গাঞ্জাসহ আটক সৰবৰাহকাৰী