ডুমডুমাৰ ৰূপাইৰ মানখোৱা ধন নগৰত উত্তপ্ত পৰিস্থিত

তিনিচুকীয়া, 29 নৱেম্বৰ : তিনিচুকীয়া জিলাৰ ৰূপাইৰ মানখোৱা ধন নগৰত এজন লোকৰ মৃত্যুক কেন্দ্ৰ কৰি মঙলবাৰে উত্তপ্ত পৰিস্থিতিৰ সৃষ্টি হয় ৷ মৃত লোকজন সুমিত তাঁতী বুলি জানিব পৰা গৈছে ৷ ঘটনা অনুসৰি, মাকুম-ডাঙৰী সংযোগী এম এছ ৰে’লপথৰ ৰূপাই চাইডিং ৰে’ল ষ্টেচনৰ 74/3 নং পইন্টত তাঁতীৰ মৃতদেহ উদ্ধাৰ হয় ৷ 

ৰাইজৰ অভিযোগ অনুসৰি, জনৈক মৰাণ নামৰ লোকজনে ৰে’লপথৰ বাবে সংৰক্ষিত ভূমিৰ 74/3 নং পইন্টত চুলাই মদৰ বেহা কৰি আহিছে ৷ মঙলবাৰে সুমিত তাঁতী নামৰ লোকজনে জনৈক মৰাণৰ দোকানত চুলাই খাইছিল ৷ যাৰ বাবে মৃত্যু হৈছিল সুমিত তাঁতীৰ ৷

স্থানীয় ৰাইজে কয়, ‘‘ জনৈক মৰাণ নামৰ লোকজনে ৰে’লৰ মাটিত চুলাই মদৰ বেহা চলাই আহিছে ৷ মঙলবাৰে পুৱাৰ ভাগত মৰাণৰ দোকানতে চুলাই খাইছিল তাঁতীয়ে ৷ ফলত দোকানৰ ভিতৰতে মৃত্যু হয় সুমিতৰ ৷ ইফালে মৃতদেহ দোকানৰ বাহিৰলৈ উলিয়াই দোকানত তলা মাৰি পলায়ন কৰে চুলাই মদৰ ব্যৱসায়ীগৰাকীৰ ৷’’

লগতে পঢ়:ডুমডুমাত বন্যহস্তীৰ আক্ৰমণত নিহত কিশোৰী, ৰাইজ-বনকৰ্মীৰ মাজত বাক বিতণ্ডা